Месси Жаҳон Чемпионати - 2022 нинг энг яхши футболчиси

Лионель Месси Жаҳон Чемпионатидаги самарали ҳаракатлар бўйича Килиан Мбаппени ортда қолдирди.

Аргентина ҳужумчиси Хорватияга қарши беллашувда (3:0) пенальтини аниқ амалга оширди ва битта голли узатмани ўз номига ёздириб қўйди.

У мазкур турнирдаги бешинчи голини урди ва ПСЖдаги жамоадоши Килиан Мбаппени гол + пас тизимида қувиб ўтди. Килиан Қатарда давом этаётган Жаҳон Чемпионатида 5 та гол ва 2 та ассист муаллифига айланган.

Лионель Месси ҳозирча гол + пас тизимида 8 очко ишлаган. (5 та гол, 3 та ассист). «Замин»ни Telegram’да ўқинг!