Бокс. Ўзбекистон чемпионати. Ҳасанбой Дўстматов ва Миразиз Мирхалилов олтин медал соҳибига айланди

^{Фото: Бокс федерацияси}
Бокс бўйича Ўзбекистон чемпионатининг эркаклар ўртасидаги финал баҳслари старт олди.

Унда - 51 кг вазн тоифасида Ҳасанбой Дўстматов Фаёзбек Дўстматовга қарши жангда иштирок этиши лозим эди. Бироқ Фаёзбек ярим финалдаги қўпол ҳаракати учун финалдан четлатилди ва Ҳасанбой чемпионликни қўлга киритди.

- 48 кг вазн тоифасида Нодиржон Мирзааҳмедов фарғоналик Шодиёр Мелиқўзиевга қарши рингга чиқди ва ғалаба қозонди.

- 54 кг вазн тоифасида Бухоро вакили Шаҳзод Музаффаров финалда Ойбек Жўраевни мағлуб этиб, олтин медал соҳибига айланди.

- 57 кг вазн тоифасида Миразиз Мирхалилов Самандар Холмуродов устидан зафар қучди ва чемпионга айланди.

- 60 кгда Дилшод Абдумуродов Айдос Тагайбаевни мағлуб этди.

Бошқа вазн тоифасидаги жанглар давом этмоқда. “Замин” янгиликларини “Facebook”да кузатиб боринг