Криштиану Роналду: Европадаги фаолиятим якунланди. У ерда барча совринни қўлга киритиб бўлдим

Криштиану Роналду «Ан-Насср» тиббий кўригидан муваффақиятли ўтди.

Португалиялик футболчи 3 январь куни Саудия клуби билан трансфер масаласини якунлаш бўйича Ар-Риёдга ташриф буюрди. 37 ёшли футболчи тиббий кўрик вақтидаги расмини ижтимоий тармоққа жойлади.

^{Скрин: Instagram / Роналду}
Шунингдек, ҳужумчи тақдимот маросимида ҳам иштирок этди: «Европадаги фаолиятим якунланди. Мен у ерда барча совринни қўлга киритдим, гранд жамоаларда тўп сурдим. Энди Осиёда мени янги чақириқ кутиб турибди.

‘Ан-Насср’ менга ушбу имкониятни тақдим этганидан хурсандман. Мен бахтлиман ва бундан фахрланаман», — дейди Роналду. «Замин»ни Telegram’да ўқинг!