Роналду "Инстаграм"да "Ан-Наср"даги дебюти ҳақида пост қолдирди

Саудия Арабистони чемпионати 14-туридан ўрин олган беллашувни "Ан-Наср" ўз майдонида "Ал-Иттифоқ" клубига қарши ўтказди.

Мазкур ўйинда мезбонлар 1:0 ҳисобида зафар қучди. Ягона гол бразилиялик легионер Андерсон Талиска томонидан урилди.

Учрашувдан кейин риёдликлар сафида дебют қилган Криштиану Роналду "Инстаграм"даги саҳифасида пост қолдирди.

"Биринчи ўйин, биринчи ғалаба - яхши уддаладик, йигитлар! Ақл бовар қилмас даражада қўллаб-қувватлаб турган мухлисларга миннатдорчилик билдираман", - дея ёзиб қолдирди Криштиану.