Бугун, 1 март кунидан мамлакатимиз мезбонлик қиладиган ёшлар ўртасидаги Осиё кубоги U20 баҳсларига старт берилади. Жаҳон чемпионатига йўлланма берадиган турнирда Равшан Ҳайдаров мураббийлигидаги Ўзбекистон ёшлар жамоаси ҳам ғолиблик учун кураш олиб боради. Tribuna.uz мусобақа олдидан Ўзбекистон U20 жамоаси таркиби, рақиблари, гуруҳлар, ўйинлар тақвими ва стадионлар ҳақида маълумот беради.
Кетма-кет иккинчи мезбонлик
Ўзбекистон кетма-кет иккинчи йил ёшлар ўртасидаги Осиё кубоги мезбонига айланмоқда. 2022 йилда Тошкент ва Қарши шаҳри 23 ёшли футболчилар ўртасидаги Осиё кубогини (U23) қабул қилган бўлса, бу сафар ЎФА таклифи билан Тошкент ва Фарғона шаҳри қитъа биринчилигига мезбонлик қилади.
ЖЧ-2023га қайси жамоалар йўл олади?
1-18 март кунлари Осиё кубоги U23 доирасида қитъанинг 16та мамлакат ёшлар жамоаси ғолиблик учун кураш олиб боради. 4 гуруҳда 1-2-ўрин эгалари 1/4 финалга йўлланма олади. Чоракфиналда ғолиб бўлиб, яримфиналга чиққан 4 жамоа автоматик тарзда 2023 йилнинг май-июнь ойларида Индонезияда ўтадиган ёшлар ўртасидаги жаҳон чемпионати йўлланмасини қўлга киритади. Қайд этиш жоиз, Индонезия U20 жамоаси мезбон сифатида аллақачон турнир иштирокчисига айланган.
Ўзбекистон ёшлар жамоаси таркибига кимлар чақирилган?
2018 йил Хитойда Ўзбекистон ёшлар жамоасини Осиё чемпионига айлантирган Равшан Ҳайдаров бу сафар 20 ёшгача бўлган ўйинчилардан иборат жамоа билан зафар қучишга уринади. Унинг қўл остида ёшлар жамоаси БАА ва Туркияда ўқув-машғулотлар ўтказиб, турнирга пухта тайёргарлик кўришга эришди. Мураббийлар штаби мусобақада мамлакат шаънини ҳимоя қиладиган 23 нафар футболчидан иборат якуний таркибни эълон қилди. Унда Аббосбек Файзуллаев, Умарали Раҳмоналиев, Пўлатхўжа Холдорхонов сингари Суперлигада ном қозонишга улгурган ўйинчиларни кўриш мумкин.
Гуруҳлар: Ўзбекистон қайси рақибларга қарши ўйнайди?
Қуръага кўра, Ўзбекистон ёшлар жамоаси ЖЧ-2023 мезбони Индонезия, Ироқ ва Сурия сингари кучли рақиблар билан бир гуруҳдан ўрин олган. Қўшниларимиздан Тожикистон C гуруҳида, Қирғизистон эса D гуруҳидан жой олди.
«А» гуруҳи: Ўзбекистон, Индонезия, Ироқ, Сурия.
Сурия U20 ёшлар жамоаси ҳақида маълумот:
Бош мураббий — Марк Вотте
Сурия U20 ёшлар жамоаси Иорданияда бўлиб ўтган Осиё кубоги саралаш босқичининг «D» гуруҳида 9 очко тўплаган ҳолда финал босқичга йўл олган.
Ироқ U20 ёшлар жамоаси ҳақида маълумот:
Бош мураббий — Эмад Муҳаммад
Ироқ U20 ёшлар жамоаси Кувайтда бўлиб ўтган Осиё Кубоги саралаш босқичининг «H» гуруҳида 6 очко тўплаган ҳолда финал босқичга йўл олган.
Индонезия U20 ёшлар жамоаси ҳақида маълумот:
Бош мураббий — Шин Таэ-Ёнг
Индонезия 2024 йил жаҳон чемпионатини қабул қиладиган давлат сифатида Осиё Кубоги-2023 саралаш босқичида «D» гуруҳида 9 очко тўплаган ҳолда финал босқичга йўл олган.
Учрашувларга қайси стадионлар мезбонлик қилади?
Осиё чемпионати ўйинлари Тошкентдаги «Бунёдкор», «Жар», «Локомотив» ҳамда Фарғонадаги «Истиқлол» стадионида ўтказилади.
«Бунёдкор» стадиони
2012 йил августида қуриб битказилган ушбу стадион 34 минг томошабинни ўз бағрига сиғдира олади. Очилиш ўйини ва ҳал қилувчи финал баҳсига ушбу ўйингоҳ мезбонлик қилади.
«Бунёдкор» ўйингоҳида ўтадиган ўйинлар тақвими:
01.03.2023 | 19:00
Ўзбекистон — Сурия
03.03.2023 | 17:00
Саудия Арабистони — Қирғизистон
04.03.2023 | 19:00
Ироқ — Ўзбекистон
06.03.2023 | 17:00
Хитой — Саудия Арабистони
08.03.2023 | 17:00
Жанубий Корея — Тожикистон
11.03.2023 | 19:00
(Чорак финал №1)
15.03.2023 | 19:00
(Ярим финал №1)
18.03.2023 | 19:00
Финал.
«Истиқлол» стадиони
Ушбу стадион Фарғона шаҳрида жойлашган бўлиб, 2015 йилда қуриб битказилган ва ҳозирда 20 200 томошабинни ўз бағрига сиғдира олади.
«Истиқлол» ўйингоҳида ўтадиган ўйинлар тақвими:
01.03.2023 | 15:00
Австралия — Вьетнам
01.03.2023 | 19:00
Қатар — Эрон
04.03.2023 | 15:00
Эрон — Австралия
04.03.2023 | 19:00
Вьетнам — Қатар
07.03.2023 | 15:00
Вьетнам — Эрон
07.03.2023 | 19:00
Ўзбекистон — Индонезия
«Жар» стадиони
Пойтахтимизда жойлашган стадион 1998 йилда фойдаланишга топширилган. Ушбу ўйингоҳ «Жар» спорт мажмуасининг бир қисми ҳисобланади. Стадион ўз бағрига 8500 томошабинни сиғдира олади.
«Жар» ўйингоҳида ўтадиган ўйинлар тақвими:
02.03.2023 | 15:00
Жанубий Корея — Уммон
03.03.2023 | 15:00
Япония — Хитой
05.03.2023 | 15:00
Иордания — Жанубий Корея
06.03.2023 | 15:00
Қирғизистон — Япония
07.03.2023 | 15:00
Қатар — Австралия
09.03.2023 | 17:00
Хитой — Қирғизистон
11.03.2023 | 15:00
(Чорак финал №2)
12.03.2023 | 15:00
(Чорак финал №3)
15.06.2022 | 15:00
(Ярим финал №2)
«Локомотив» стадиони
Ушбу стадионнинг реконструкция ишлари 2009 йили бошланиб, 2012 йили якунланган. Стадион сиғими 8,000 томошабинга мўлжалланган.
«Локомотив» ўйингоҳида ўтадиган ўйинлар тақвими:
01.03.2023 | 17:00
Индонезия — Ироқ
02.03.2023 | 17:00
Тожикистон — Иордания
04.03.2023 | 17:00
Сурия — Индонезия
05.03.2023 | 17:00
Уммон — Тожикистон
07.03.2023 | 19:00
Ироқ — Сурия
08.03.2023 | 17:00
Иордания — Уммон
09.03.2023 | 17:00
Саудия Арабистони — Япония
12.03.2023 | 19:00
Чоракфинал (№ 4).
Мусобақа ТВ-трансляцияси ҳақида
2023 йилда ҳам Ўзбекистонда Осиё футболи доирасидаги турнирлар ТВ-трансляцияси ҳуқуқи «UzReport» телеканалига тегишли экани боис, Осиё кубоги U20 учрашувлари айнан ушбу телеканал орқали намойиш этилади. Хусусан, Ўзбекистон ёшлар жамоасининг 1-тур доирасида бугун, 1 март кунги Сурияга қарши ўйини ҳам соат 19:00дан бошлаб «UzReport» телеканалида жонли эфирда кўрсатилади.
“Замин” янгиликларини “Одноклассники”да кузатиб боринг
