Суперлиганинг учинчи туридан ўрин олган "Олимпик" - ОКМК (0:1) жамоалари тўқнаш келган учрашувдан сўнг ОКМК жамоаси бош мураббийи Миржалол Қосимов матбуот анжуманида иштирок этди.
- Ўйин ҳақидаги фикрларингиз?
- Телевизор орқали мухлисларни жалб этиш учун айлантиралиётган роликни кўрдим. Биз учун бугунги учрашув жуда муҳим эди. "Бунёдкор"га қарши ўтган учрашувда жуда кўп хатоларга йўл қўйган эдик, бугун эса хатоларни анча камайтирдик ва шу сабаб ғолиб бўлдик. Ғалабага лойиқ эдик деб ўйлайман. Меҳмонда "Олимпик"ка қарши ўйнаш ҳам осон эмас.
- Виталий Денисовнинг ўйинларига ва захирага олинганига изох бериб ўтсангиз?
- Денисовни 5 ёшиданоқ биламан. Сариқ карточка олгани ва иккинчи таймда кўпроқ курашлар остида кечгани сабаб уни захирага олдим.
- Биринчи бўлимда қанот ҳимоячиларнгиз хужумга қўшилмади. Иккинчи бўлимда эса алмаштиришлардан сўнг қанот ҳимоячилар хужумга қўпроқ ўтишди. Қанот химоячиларининг биринчи бўлимда пассив ўйинига нима дея оласиз?
- Биринчи бўлимда ҳам қанотдан хужум қилишга ҳаракат қилдик, лекин "Олимпик" жамоаси ҳам майдонга ғалаба учун чиққан эди. Бизда биринчи таймда қанотдан тўп узатишга бир нечта имконият бўлди.
- "Олимпик" жамоасидан кимларни ўз жамоангизда кўришни хоҳлайсиз? Масалан Ҳамралиев ушбу мавсум олдидан "Пахтакор"га ўтди, сиз ҳам "Олимпик" ўйинчиларига қизиқиш билдирганмидингиз?
- Ҳа, биз Ҳамралиевни таркибимизга олмоқчи эдик, лекин у "Пахтакор"ни танлади. Бошқа ўйинчиларга қизиқиш билдирмаганмиз, лекин улар бизнинг жамоадан футболчини ўз сафига қўшиб олишди.
Шу фурсатдан фойдаланиб Равшан Ҳайдаров бошчилигидаги Ўзбекистон U-20 терма жамоасига эртанги финалда омад тилайман!
«Замин» янгиликларини «Вконтакти»да кузатиб боринг
