“Челси” хўжайини Тодд Боули АПЛнинг 31-туридан ўрин олган "Брайтон"га (1:2) қарши ўйинда учралган мағлубиятдан сўнг жамиоа футболчиларнинг руҳини кўтаришга ҳаракат қилди.
Маълум бўлишича, клуб хўжайини Лондондаги ўйиндан сўнг кийиниш хонасида бир соатга яқин вақт ўтказган.
The Telegraph нашрининг ёзишича, Боули бош мураббий Фрэнк Лэмпарднинг нутқидан сўнг сўз олган. Ишбилармон клубнинг турнир жадвалининг қуйи қисмидаги ўрнини ва сўнгги натижаларни “шармандали” деб атади ва жамоанинг ғалаба қозонишини таъминлаш учун 600 миллион фунт сарфланганини, бироқ ҳозирча бу унинг умидларни оқламаганини очиқ айтди.
Шу билан бирга, у Чемпионлар лигасида “Реал”га қарши жавоб ўйини мавсумни сақлаб қолиш, шармандали ўйинларга чек қўйиш ва мухлисларга фахрланиш учун имконият беришини таъкидлади.
Эслатиб ўтамиз, “Челси” 18 апрель куни Чемпионлар лигаси чорак финал жавоб баҳси доирасида ўз майдонида “Реал”ни қабул қилади. Ушбу баҳс Тошкент вақти билан соат 00:00 да бошланади.
“Замин” янгиликларини “Telegram”да кузатиб боринг
