Бокс бўйича ЖЧ—2023. Жасурбек Йўлдошев жазоирлик рақибини мағлуб этди

Бокс бўйича 2023 йилги Жаҳон чемпионатининг 2-кунги баҳсларида 2 май, сешанба куни бўлиб ўтмоқда.

-80 кг вазн тоифасида Жасурбек Йўлдошев жазоирлик Юнус Немоучига қарши рингга чиқди. Биринчи раунд тўлиқ Жасурбекнинг фойдасига ҳал бўлди. Қолган икки раундда ҳам ҳакамлар Йўлдошевнинг устунлигини қайд этди ва якунда 5:0 ҳисобида зафар қучиб, Жасурбек кейинги босқичга йўл олди.

Аввалроқ Мужибилло Турсунов, Руслан Абдуллаев ва Шоҳжаҳон Абдуллаев ўз жангларини ғалаба билан якунлаб, кейинги босқич масаласини ҳал қилганди.