Баҳодир Жалолов ҳам жаҳон чемпионатини ғалаба билан бошлади

Тошкентдаги "Ҳумо арена"даги бокс бўйича эркаклар ўртасидаги жаҳон чемпионати давом этмоқда.

Тошкент вақти билан 20:25 дан сўнг +92 кг вазнлилар баҳсида Баҳодир Жалолов баҳрайнлик Данис Латиповга қарши рингга кўтарилди.

Ҳамюртимиз қизил либосда, унинг рақиби кўк формада ҳаракат қилди.

Уч раунд якунига кўра ҳакамлар Баҳодирнинг устунлигини қайд этди. Якуний ҳисоб 5:0. Баҳодир Жалолов ғалаба қозонди.