Бокс бўйича ЖЧ—2023. Абдумалик Ҳалоков Гаяна вакили устидан ғалаба қозонди

Тошкент мезбонлигида ўтаётган бокс бўйича 2023 йилги Жаҳон чемпионатининг 5-кунги баҳслари 5 май, жума куни бўлиб ўтмоқда.

-57 кг вазн тоифасида Абдумалик Ҳалоков гаяналик Кевин Аликок билан жанг қилди. Биринчи раундда Абдумалик 4:1 ҳисобида ғалаба қозонди. Иккинчи раунд эса тўлиқ Ҳалоковнинг назоратида ўтди. Учинчи раунд ҳам ўзбекистонлик боксчининг фойдасига ҳал бўлди ва якунда 5:0 ҳисобида зафар қучди. Шу тариқа Ҳалоков кейинги босқичга йўл олди.

5 май кунги баҳсларни Ўзбекистон сафида Лазизбек Муллажонов бошлаб берди. -91 кг вазн тоифасида ҳаракат қилган боксчи колумбиялик Марло Хартадони енгиб, кейинги босқич масаласини ҳал қилганди. Кунни эса Жасурбек Йўлдошев (-80 кг) якунлаб беради.