Аълохон Абдуллаев сербиялик боксчини мағлуб этиб, чорак финалга йўл олди

Тошкентдаги "Ҳумо арена"да бокс бўйича эркаклар ўртасидаги жаҳон чемпионати давом этмоқда.

-75 кг вазн тоифасида Аълохон Абдуллаев сербиялик Мемик Алмирга қарши рингга кўтарилди.. Ҳамюртимиз қизил формада, унинг рақиби кўк либосда ҳаракат қилди.

Илк раундда Аълохоннинг қўли баланд келди - 4:1.

Иккинчи раундда ҳакамлар бир овоздан Абдуллаевнинг устунлигини қайд этишди - 5:0.

Учинчи раундда Аълохон рақибига ютқазди - 2:3. Якуний ҳисоб эса 4:0. Аълохон Абдуллаев чорак финалда.