"UzReport TV" футбол бўйича U-20 жаҳон чемпионатини жонли эфирда трансляция қилади.
Миллионлаб ўзбекистонлик футбол мухлисларининг талаб ва истакларидан келиб чиққан ҳолда ҳамда ёш футболчиларимизни жаҳон майдонларида қўллаб-қувватлаш мақсадида “UzReport TV” телеканали 20 майдан 11 июнгача Аргентинада бўлиб ўтадиган U-20 жаҳон чемпионатини трансляция қилиш бўйича эксклюзив ҳуқуқини қўлга киритди.
Турнир Сантьяго Дел-Эстеро, Сан-Хуан, Ла-Плата ҳамда Мендоза шаҳарларида ўтказилади. Равшан Ҳайдаров бошчилигидаги амалдаги Осиё чемпионларимиз Аргентина майдонларида ҳам шундай муваффақиятли юришларини давом эттиради деб умид қиламиз.
Эътиборлиси, U-20 терма жамоамиз аъзолари мусобақани мезбон бўлмиш Аргентинага қарши баҳс билан бошлайди. Ўйин 21 май куни Тошкент вақти билан тунги 02:00 да старт олади.
“Замин” янгиликларини “Youtube”да кузатиб боринг
