20 ёшгача бўлган футболчилар ўртасида ўтказилаётган жаҳон чемпионатининг 2-тури доирасидаги Ўзбекиситон — Янги Зеландия учрашувидан сўнг меҳмонлар бош мураббийи Даррен Базелей ўйин ҳақида фикр билдирди.
"Биламан, кайфиятимиз бироз пасайди. Чунки 90 дақиқа ҳисобда олдинда боргандик, аммо ўйиндаги қатъийлик, дадиллик шунчаки ақлбовар қилмас даражада.
Ўзбекистон жуда яхши жамоа ва улар бизга катта босим ўтказди. Афсуски, босим ошган сари якунда битта ҳужумга дош беролмадик.
Йигитлар қийин ўйин ўтказишди. Бироқ шогирдларим мағлуб бўлмади, аксинча, жаҳон чемпионатида яна бир очкони қўлга киритди. Бизни олдинда яна бир ўйин кутиб турибди.
Биз кўпроқ ҳужум қилишни, кўпроқ зарбалар йўллашни ва вазиятлар яратишни хоҳлагандик ва иккита қойилмақом гол урдик", — деди океанияликлар устози.
«Замин» янгиликларини «Вконтакти»да кузатиб боринг
