20 ёшгача бўлган футболчилар ўртасидаги жаҳон чемпионати 3-туридан ўрин олган Ўзбекистон - Гватемала баҳси бўлиб ўтди. Унда вакилларимиз 2:0 ҳисобида ғалаба қозонди. Термамиз сафида Неъматжонов дубль муаллифига айланди.
Баҳсдан сўнг термамиз бош мураббийи Равшан Ҳайдаров ўйин ҳақида ўз фикрлари билан ўртоқлашди ва кейинги босқичга тайёргарликни бугундан бошлаш кераклигини таъкидлади:
- Авваламбор, олдимизга қўйилган вазифани бажарганимиз учун йигитларга раҳмат айтмоқчиман. Сабаби, кейинги босқич йўлланмаси ўтган беллашувда дуранг ўйнаганимиз туфайли мавҳумлигича қолаётганди.
- Ўйин ва ўйинга бўлган муносабат борасида ҳам Гватемала термасидан устун бўлдик ва бу ҳисобда ҳам акс этди. Албатта, кейинги босқич ўйинлари бундан ҳам шиддатли бўлади. Тайёргарликни бугундан бошлаймиз.
“Замин” янгиликларини “Facebook”да кузатиб боринг
