Франциянинг «ПСЖ» клуби Лионель Месси жамоани тарк этаётганини расман эълон қилди.
«Лионель Мессининг «ПСЖ»даги икки йиллик фаолиятидан кейин футболчи 2022/23 йилги мавсум якунида клубни тарк этишини маълум қиламиз.
Клуб Леога кейинги фаолияти давомида омад ва зафарлар ёр бўлишини тилаб қолади. «Пари Сен-Жермен» жамоа сафида икки марта Франция чемпиони ва кубоги соҳиби бўлган «Олтин тўп»нинг 7 карра соҳибига чин қалбдан миннатдорчилик билдиради», - дейилади клуб хабарида.
Ўз ўрнида 35 ёшли аргентиналик футболчи ҳам Париж клубини тарк этаётгани ҳақида гапириб, «ПСЖ»га миннатдорчилик билдирди.
«Клубга, Париж ва унинг мухлисларига ўтган 2 йил учун раҳмат! Кейинги ишларингизга омад тилаб қоламан», - дейди Месси.
Месси фаолиятини қаерда давом эттириши бўйича масалани чўзмоқчи эмас. У бугун «ПСЖ» таркибидаги сўнгги учрашувини ўтказади.
Аввалроқ, «Ал-Ҳилол» Мессига йиллик 400 миллион евро маош таклиф қилаётгани ҳақида хабарлар тарқалганди.
Маълумот учун, Лионель жорий мавсум Франция чемпионатидаги 31 ўйинда 16та гол ва шунча ассистга муаллифлик қилди.
“Замин” янгиликларини “Инстаграм”да кузатиб боринг
