УЕФА ЕЧЛнинг ўтган мавсумида урилган энг чиройли голни танлади » Ўзбекистон янгиликлари – Zamin.uz

УЕФА ЕЧЛнинг ўтган мавсумида урилган энг чиройли голни танлади

Спорт 20-06-2016, 23:38 1 553
УЕФА ЕЧЛнинг ўтган мавсумида урилган энг чиройли голни танлади

«Реал» жамоаси ҳужумчиси Криштиану Роналдунинг ЕЧЛ чорак финали доирасида «Рома» дарвозасига урган голи 2015/16 йили Европа чемпионлар лигасининг энг яхши голи деб топилди. Бу ҳақда УЕФА матбуот хизмати хабар тарқатган, дейилади "Кун" нашрида.

Португалиялик футболчининг голи учун сўровномада 36 фоиз киши овоз берган. У ўша ўйиннинг 57-дақиқасида римликлар сардори Алессандро Флоренцини ортда қолдириб, дарвозанинг юқори чап бурчагини аниқ нишонга олганди. Бу Роналду учун ЕЧЛдаги 89-голига айланганди.

Мадридликлар жамоаси якунланган мавсумда ЕЧЛ ғолиблигини қўлга киритди. Финалда Мардиднинг яна бир жамоаси «Атлетико» пенальтилар сериясига кўра 5:3 ҳисобида мағлубиятга учратилди. Роналду жамоанинг 12 учрашувида майдонга тушиб, 16та гол урди ва турнирнинг энг яхши тўпурари бўлди.
loading...


Zamin.uz нинг Facebook’даги расмий саҳифасига обуна бўлиб, янгиликлардан хабардор бўлинг.