Элдор Шомуродов: "Биринчи голимни қизимга, иккинчисини эса Даврон Файзиевга бағишладим"

"CAFA Nation's Cup-2023" мусобақаси доирасидаги Туркманистон – Ўзбекистон учрашувидан сўнг ўйиннинг энг яхши ўйинчиси Элдор Шомуродов ўз фикрлари билан бўлишди.

- Ўйин ҳақида қисқача фикрларингиз?

- Икки хил тайм бўлди. Биринчи бўлим нисбатан қийин бўлди. Тезлик ва озроқ агрессия етишмади. Иккинчи бўлимда хатоларни тўғрилаб, натижага эришдик.

- Сречко Катанецнинг йўқлиги қанчалик билинди?

- Мураббийни ўрни ҳар доим билинади. Ўйиндан олдин унинг йўқлиги бизга айтилганди. Катанецнинг йўқлигини билдирмасликка ҳаракат қилдик.

- Бугунги голларингизни кимга бағишладингиз?

- Биринчи голимни қизимга, иккинчисини эса Даврон (Файзиев) акага бағишладим.