ФИФА клублар ўртасидаги Жаҳон чемпионатидаги ўзгаришларни тасдиқлади. Унга кўра, 2025 йилдан буён турнирда 32 та жамоа иштирок этади. Европадан 12 та жамоа, Жанубий Америкадан 6 та, Африка, Осиё ва КОНКАКАФдан 4 тадан ва Океаниядан битта жамоа иштирок этади. Турнирнинг илк мезбони Америка Қўшма Штатлари бўлади.
ФИФА президенти Жанни Инфантино бу борада ўз фикрларини билдириб ўтди: “Клублар ўртасидаги Жаҳон чемпионати профессионал клублар футболининг энг юқори чўққиси бўлади. АҚШ турнирнинг янги форматини ўтказиш учун идеал жой”.
Кичик мундиалнинг формати ҳали аниқланмаган. Жамоалар ҳар бирида тўрттадан жамоа бўлган 8 та гуруҳга бўлиниши ва камида 3 тадан ўйин ўтказиши тахмин қилинмоқда. Натижада, 8 та гуруҳ ғолиблари чорак финалга йўл олади.
Эслатиб ўтамиз, 2023 йилги клублар ўртасидаги Жаҳон чемпионати йил охирида Саудия Арабистонида бўлиб ўтади.
“Замин” янгиликларини “Telegram”да кузатиб боринг
