Миржалол Қосимов: "Сўнгги дақиқаларда ўтказиб юборган голимиз бир неча дақиқага интрига яратди"

"Сўғдиёна" ҳамда ОКМК ўртасидаги Суперлиганинг қолдирилган 8-тур ўйинидан (1:2) сўнг меҳмон жамоа устози Миржалол Қосимов матбуот анжуманида иштирок этди.

Миржалол Қосимов: "Бу жуда ҳам муҳим ўйин эди, чунки аввалги баҳсда "Насаф"га мағлуб бўлгандик. Қолаверса биринчи даврани яхши кайфиятда якунлашга ҳаракат қилдик. "Сўғдиёна" аввалги турда "Сурхон"га мағлуб бўлгани туфайли бугун қийналишимизни билардик. Ҳаво ҳам кечагидан иссиқроқ бўлди. Об-ҳаво туфайли биринчи бўлимда темп баланд бўлмади. Иккала жамоа ғалаба учун ҳаракат қилди. Иккинчи бўлимда қарши ҳужумда яхши вазиятларга эга бўлдик, бироқ улардан фойдалана олмадик. Бироқ сўнгги дақиқаларда ўтказиб юборган голимиз бир неча дақиқага интрига яратди. Шунга қарамай керакли уч очкога эга бўлдик".