"Насаф" 5 футболчини ижарага берди ва 4 футболчи билан хайрлашди

"Ўз олдига жиддий мақсадларни қўйган жамоамизда давралар оралиғида ўзгаришлар бўлаётганидан хабарингиз бор.

Ёзги трансфер ойнаси вақтида ҳозирча жамоамизга грузиялик Жаба Жигаури келиб қўшилди.

Ўйин амалиётини сақлаб қолиш учун Азиз Холмуродов ва Нодирбек Мукаров Яйпаннинг "Турон" жамоасига, Шаҳзод Акрамов ва Жавоҳир Ўтамуродов "Олимпик" жамоасига, Маҳмуд Жўрабоев "Бухоро" жамоасига мавсум сўнгига қадар ижарага берилди.

Шоҳмалик Комилов, Сардор Садуллаев, Азамат Сойибов ва Муҳаммаджон Раҳимов клуб билан келишган ҳолда шартномани бекор қилишди ва жамоани тарк этишди", – дейилади "Насаф" матбуот хизмати берган хабарда.