Ўзбекистон миллий терма жамоаси сардори Элдор Шомуродовнинг ижара асосида “Рома”дан “Кальяри”га кўчиб ўтгани расман эълон қилинди.
Энди ўзбек ҳужумчиси бир мавсум Клаудио Раньери қўл остида тўп тепади. Агар ҳамкорлик самарали чиқса, сардинияликлар легионеримизни яна 9 миллион евро тўлаб, тўлиқ трансфер қилиш имконига эга бўлади.
Шомуродовнинг бошқа клубга ўтгани расман эълон қилинганидан кейин “Рома” мухлислари трансфер бўйича ўз фикр-мулоҳазаларини билдирмоқда.
Sports.uz сайти эътиборингизга футбол ишқибозларининг муносабатларини ҳавола этади.
Il Lupo Romolo:
Шомуродовнинг кетиши, Жанлука Скамакканинг келишига эшик очади.
Maarcvaal:
Элдорни ўйнатмай олиб ўтиргандан бошқа жамоага берганимиз яхши бўлди.
Nettunese Doc:
Шомуродов Римда қолгани яхши эди. Бироқ, унга имконият бераётгани учун жаноб Раньерига раҳмат айтамиз.
JulianB:
Агар у кўп гол урса, “Кальяри” трансферни тўлиқ сотиб олади.
Leodibrescia:
Элдорга омад тилайлик.
Myrme:
Янги жамоасида балки бизга ҳам гол урар.
Mirco:
Шомуродовнинг кетгани яхши бўлди, қолганида аҳволи ўнгланмас эди. Энди Клаудио Раньери унинг янги қирраларини очишини кутамиз.
Blouson Noir:
Балли Элдор, сенга омад тилайман.
Golia89:
Ажойиб иш бўлди. Агар мураббий Шомуродовни майдонда ўзига мос жойда ўйнатса, ўйини яна очилиб кетади.
Carlo:
Агар Элдорни ўзининг позицияда ўйнатса, у гол ура олади. Унинг ўйин услуби Квальяреллага ўхшайди. Унга жамоадошлари имконият яратиб бериши керак. Бироқ, ҳамма мураббий ҳам ҳозир бу усулдан фойдаланмайди.
Pietro Parchi:
Элдорга саломлар. Умид қиламанки, сен янги жамоада кўп гол уриб, яна мавқеингни тиклаб оласан.
Ddrmaancheno:
Энг муҳим жиҳати шуки, Шомуродов 4-4-2 схемасида ўйнайдиган “Кальяри”га ўтди. Бу усул ўзбек футболчисининг ўйин характеристикасига жуда мос тушади. Қолаверса, ҳужум чизиғида Элдор билан рақобатлашиши мумкин бўлган Лападула ва Паволетти бор холос. Уларнинг иккиси ҳам ёши ўтиб қолган. Келаси мавсум Элдор ўзини кўрсата олишига ишонамиз.
“Замин” янгиликларини “Одноклассники”да кузатиб боринг
