Шахмат бўйича Жаҳон Кубоги. Кечаги баҳсларда 4 нафар шахматчимиз ўз ўйинини ўтказди

Озарбайжоннинг Боку шаҳрида шахмат бўйича Жаҳон Кубоги баҳслари старт олди.

Мусобақа доирасида тўрт нафар ўзбекистонлик шахматчи илк босқичдан ўз иштирокини бошлади. Унга кўра, Жавоҳир Синдоров ва Нодирбек Ёқуббоев ғалабага эришиб, кейинги босқичга йўл олди. Шамсиддин Воҳидов эса дуранг натижа қайд этди. Шу тариқа Воҳидов 1 август куни тай-брекда ўйин ўтказади. Нилуфар Ёқуббоев эса словакиялик рақибига имкониятни бой бериб, мусобақадаги иштирокини якунлади.

Нодирбек Абдусатторов рейтинги юқорилиги сабабли, мусобақадаги иштирокини 2-босқичдан бошлайди.

31 июль кунги баҳсларда қайд этилган натижалар:

• Жавоҳир Синдоров - Денг Киприано Реан (ЖАР) 2:0
• Нодирбек Ёқуббоев - Малек Кониахли (Миср) 2:0
• Шамсиддин Воҳидов - Абдулла Гадимбайли (Озарбайжон) 1:1
• Нилуфар Ёқуббоева - Ева Репкова (Словакия) 0,5:1,5

Шухрат Раззаков

«ЗАМИН.УЗ» муҳаррири