Аргентина терма жамоасининг юзлаб мухлислари Буэнос Айрес шаҳрида намойишга чиқдилар ва Лионель Мессини терма жамоага қайтаришни талаб қилдилар, деб ёзмоқда "Fut.uz" сайти.
Гарчи кучли ёмғир ёзиб турган бўлсада, мухлислар пойтахт майдонларидан бирига йиғилганлар. Бу ерда одатда терма жамоа ғалабалари байрам қилинар эди. Мухлислар байроқлар билан чиқиб, Мессининг шарафига қўшиқлар куйлашган.
Эслатиб ўтамиз, Лионель Месси Аргентина терма жамоаси сафида Америка Кубоги финалида Чилидан пеналтилар сериясига кўра мағлубиятга учрагач, термадан кетишини маълум қилган эди. Ўша серияда унинг ўзи ҳам пеналти ура олмаган.
Аргентина терма жамоасининг яна олти нафар футболчиси Мессидан ўрнак олган ва жамоадан кетганини эълон қилган. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
