АҚШнинг Бостон шаҳрида Ўзбекистон вақти билан 20 август тонгида UFC 292 мусобақаси ўтказилди.
Оқшомнинг асосий жанги енгил вазн тоифаси вакиллари Алжамейн Стерлинг ва Шон O’Мелли ўртасида кечди. Иккинчи раундда Шон Стерлингни нокаутга учратди ва UFCнинг янги чемпионига айланди.
Стерлинг учун бу бешинчи титул жанги бўлди. Алжамейн 2021 йилда Пётр Ян устидан ғалаба қозониб, шундан буён камарга эгалик қилаётган эди.
O’Мелли эса илк бор титул учун жанг қилди. Шон 2022 йил октябрь ойида ҳакамлар қарорига кўра Ян устидан ғалаба қозонганди.
Турнирнинг асосий жанглари:
Шон O’Мелли (17-1) иккинчи раундда Алжамейн Стерлингни (23-4) нокаутга учратди;
Вейли Чжан (24-3) ҳакамлар қарорига кўра Аманда Лемос (13-3-1) устидан ғалаба қозонди;
Иэн Герри (13-0) очколар эвазига Нил Мегнини (28-11) мағлуб этди;
Дамон Блекшер (14-6-1) ҳакамлар қарори эвазига Марио Баутистени (13-2) мағлубиятга учратди;
Марлон Вера (21-8-1) Педро Муньос (20-8) устидан зафар қучди;
Крис Вайдман (15-7) очколар эвазига Бред Таварес (20-9) устидан ғалаба қозонди;
Грегори Родригес (14-5) биринчи раундда Денис Тюлюлинни (11-8) нокаутга учратди.
