“Ал-Араби” ходими ОКМК ҳақида: “Энди улар менинг Ўзбекистондаги севимли клубим”

Футбол бўйича Осиё Чемпионлар Лигаси саралаш босқичида “ОКМК” Қатарнинг “Ал-Араби” клуби устидан 1:0 ҳисобида ғалаба қозонди.

Олмалиқликлар ўйиндан сўнг кийим алмаштириш хонасини тозалаб, саранжом-саришта қилиб кетган. Футбол мутахассиси Алишер Никимбаевнинг ёзишича, “Ал-Араби” ходимларидан бири унга суратлар ташлаб берган ва қуйидаги изоҳни қолдирган:

“ОКМК ҳақли ғалаба қозонди. Улар ҳақиқий жентлмен. Улар менга жамоа либосини ҳам совға қилди. Умид қиламанки, ‘ОКМК’ ‘Ас-Садд’ ёки ‘Ад-Дуҳайл’ билан бир гуруҳга тушади ва мен яна стадионга бориб, уларнинг ўйинини томоша қиламан. Энди улар менинг Ўзбекистондаги севимли клубим”.