Осиё ўйинлари чорак финал босқичидан ўрин олган Ўзбекистон - Саудия Арабистони баҳси ўз ниҳоясига етди ва унда вакилларимиз 2:1 ҳисобида ғалаба қозонишди.
Дастлаб, 24-дақиқада Жасурбек Жалолиддиновнинг супер пасидан сўнг Саидазамат Мирсаидов ҳисобни очган бўлса, тайм сўнгида посбонимиз Владимир Назаров тепган тўп Алишер Одиловга борди ва у рақиб дарвозабонини алдаб ўтиб очиқ қолган дарвозага тўпни қийинчиликсиз киритди.
Иккинчи бўлимни фаол бошлаган саудияликлар 66-дақиқада ҳисобни қисқартирди. Муҳаммад Маран Назаров қўриқлаётган дарвозага йўл топди.
Шу тариқа, Тимур Кападзе шогирдлари ярим финалга йўл олди.
Осиё ўйинлари. 1/4 финал
Ўзбекистон - Саудия Арабистони 2:1
Голлар: Саидазамат Мирсаидов (Жасур Жалолиддинов) 24, Алишер Одилов (Владимир Назаров) 43, Муҳаммад Марран 65, 2:1
Ўзбекистон: 12.Владимир Назаров, 2.Саидазамат Мирсаидов (Русланбек Жиянов, 78), 5.Муҳаммадқодир Ҳамралиев, 8.Беҳзод Шамсиев (Маҳмуджон Маҳамаджонов, 67), 10.Жасурбек Жалолиддинов (Отабек Жўрақўзиев, 87), 14.Иброҳимҳалил Йўлдошев, 16.Асадбек Раҳимжонов, 17.Абдурауф Бўриев, 18.Алибек Давронов, 19.Ҳусайн Норчаев (Шерзод Эсанов, 87), 22.Алишер Одилов.
Захирадагилар: Ҳамидилло Абдунабиев, Отабек Боймуродов, Шоҳжаҳон Султонмуродов, Элдорбек Бегимов.
Саудия Арабистони: 21. Аҳмад Фаҳад Ал Жубая, 2. Муҳаммад Вахиб Абу Алшамат, 4. Раян Муҳаммад Ҳамед, 5. Муҳаммад Алями, 12. Закария Хавсави, 8. Файсал Ал Гамди, 10. Саад Фаҳад Алнасср, 11. Аҳмад Мазен Алгамди, 14. Авад Хайдар Алнашри, 18. Мусаб Алжувайр, 16. Муҳаммад Марран.
Огоҳлантириш: Абдурауф Бўриев (Ўзбекистон) 15, Аҳмад Фаҳад Ал Жубая (Саудия Арабистони) 41,Абдуллоҳ Ҳади Радиф (Саудия Арабистони) 53, Маҳмуд Маҳамаджонов 90+3
Четлатиш: Абдуллоҳ Радиф (Саудия Арабистони) 90+4
“Замин” янгиликларини “Telegram”да кузатиб боринг
