Баҳодир Жалоловнинг проф боксда навбатдаги рақиби ва жанг санаси маълум бўлди

Проф боксда супер оғир вазн тоифасида Ўзбекистон шарафини ҳимоя қилаётган Баҳодир Жалолов (13-0)нинг навбатдаги рақиби ва жанг санаси маълум қилинди.

Унга кўра, Баҳодир 17 ноябрь куни Lift Promotions томонидан Тошкентда ташкил этиладиган бокс оқшомида Жанубий Африка вакили Крис Томпсон(12-5-1)га қарши рингга кўтарилади.

Маълумот ўрнида, мазкур бокс кечаси "Ҳумо Арена"да ўтказилади.

Эслатиб ўтамиз, Жалолов проф боксдаги охирги жангини шу йилнинг 23 августида ўтказиб, унда нигериялик Онориоде Эвериемени нокаутга учратган эди.