Максим Шацких: "Жуда керакли бўлган уч очкони қўлга киритдик"

Суперлиганинг 23-туридан ўрин олган "Бухоро" - "Пахтакор" учрашувидан сўнг меҳмонлар бош мураббийи Максим Шацких матбуот анжуманида қатнашди.

Ўйин ҳақида

- Ўйин тўлиқ бизнинг назоратимизда ўтди. Биринчи бўлимда етарлича вазиятлар яратдик. Рақибни ҳам эътироф этиш жоиз. Улар яхши ҳимояланишди. "Бухоро" бугунги учрашувдан нима истаётгани кўриниб турганди. Дарвозамиз олдида вазият яратишга ҳеч қандай имконият қолдирмадик. Ўйин охирида босимни ошириб, ўзимиз учун жуда керакли бўлган уч очкони қўлга киритдик.

- Чемпионлик ҳал қилиндими?

- Йўқ, албатта. Менимча, вазият охирги турга қадар қизиқарли кўринишда қолади.

Шухрат Раззаков

«ЗАМИН.УЗ» муҳаррири