Аюб Одишо: "Мусобақа билан эрта хайрлашдик, бироқ ушбу турнирдаги ғалабаларимиз сонини ошириб қўймоқчимиз"
Бугун Осиё чемпионлар лигаси гуруҳ босқич 6-тури доирасида ОКМК сафарда "Эйр Форс" билан куч синашади.
Ушбу баҳс натижаси қандай бўлишига қарамай, ҳар икки клуб кейинги босқичга чиқиш имкониятини қўлдан чиқариб бўлган.
"Бўлажак учрашувдаги ғалаба қоғозда қолиб кетади, биз мусобақа билан эрта хайрлашдик, бироқ ушбу турнирдаги ғалабаларимиз сонини ошириш учун мазкур баҳс муҳим аҳамиятга эга. Қисқа тайёргарлик даври ва Ироқ чемпионатининг кечикиб бошланишига қарамай, Осиё Чемпионлар лигасининг гуруҳ босқичида яхши ўйин намойиш этдик. Умид қиламанки, ОКМКга қарши яхши ўйин ўтказиб, ижобий натижага эришамиз", - деди Аюб Одишо.
"Лочинлар"ни қўллаб-қувватлаётган мухлислардан узр сўраймиз, чунки плей-офф йўлланмасини қўлга киритиш бахти бизга насиб этмади. Умид қиламанки, бўлажак ўйинда ижобий натижага эришамиз ва клубнинг содиқ мухлисларини мамнун этамиз. Учрашувга тайёрмиз, - деди Саад Абдул Амир.
Эслатиб ўтамиз, "Эйр Форс" - ОКМК учрашуви Ўзбекистон вақти билан 17:00да старт олади.
“Замин” янгиликларини “Инстаграм”да кузатиб боринг
