"Кальяри" Шомуродовнинг ҳолати бўйича баёнот берди

"Кальяри" клуби ҳужумчи Элдор Шомуродовнинг ҳолати ҳақида маълум қилди.

"Бугун эрталаб футболчимиз Элдор Шомуродовнинг ўнг оёғида жарроҳлик амалиёти ўтказилди. Муолажа Римдаги "Villa Stuard" госпиталида профессор Аттилио Стануччи томонидан ва клубнинг соғлиқни сақлаш бўйича менежери Марко Скорку иштирокида амалга оширилди. Операция муваффақиятли ўтди", - дейилади баёнотда.

Бироқ унинг қайтиш муддати ҳақида расмий маълумот берилгани йўқ.