Осиё кубоги учинчи туридан ўрин олган Австралия ва Ўзбекистон (1:1) терма жамоалари ўртасидаги учрашувдан кейин терма жамоамиз аъзоси Жалолиддин Машарипов ўйин ҳақидаги фикрлари билан бўлишди.
- Қийин баҳс бўлишини билган эдик. Австралия терма жамоаси дарвозасига ҳали гол ҳам урмаган эдик. Гуруҳ босқичида мағлубиятга учрамасликни режа қилгандик. Бунданда яхшироқ ўйнай оламиз аслида.
- Ҳужум чизиғимиз иккинчи таймда тўлиқ ўзгарди. Ўзгаришлар кўпроқ ҳужум қилишимизга имконият яратиб бердими?
- Биринчи бўлимнинг дастлабки ўн дақиқасида рақиб бизга босим уюштирди. Иккинчи бўлимда эса биз рақибдан устунроқ бўлдик.
- Сариқ карточкалар сони кўпайиб кетмадими?
- Бугунги учрашувда кераксиз сариқ карточкалар ишлаб олдик. Отабек ҳакам билан тортишгани учун сариқ карточка олди, ушбу ҳолатни қайта такрорламаслигимиз керак.
- F гуруҳидаги иккинчи ўринни эгаллаган жамоа билан нимчорак финалда тўқнаш келамиз. Катта эҳтимол билан рақибимиз Таиланд ёки Ўмон бўлади. Қайси рақиб бизга қулайроқ?
- Улар биздан қўрқишсин. Биз Ўзбекистонмиз. Барча рақибларни ҳурмат қиламиз, аммо биз Ўзбекистонмиз ва улар биздан қўрқиши керак.
“Замин” янгиликларини “Одноклассники”да кузатиб боринг
