Хави мавсум якунида «Барселона»ни тарк этишини эълон қилди

«Барселона» бош мураббийи Хави жорий мавсум унинг учун клубдаги сўнггиси бўлишини маълум қилди. Бу ҳақида мураббийнинг ўзи Ла Лиганинг 22-туридан ўрин олган “Вильярреал”га қарши баҳсдан сўнг (3:5) эълон қилди.

“30 июнь куни “Барселона” мураббийлигидан кетаётганимни маълум қилмоқчиман. Бу қарорни президент билан биргаликда қабул қилдик. Менимча, барчасини ўзгартириш лозим. Бунинг барчаси футболчиларнинг фойдасига.

Президент, Деку, футболчилар ҳақида ўйладим. Улар ўзгаришларга лойиқ. “Барса” учун муаммо эмас, ечим бўлмоқчиман. Июнь ойига қадар шундай бўлиб қолишга умид қиламан.

10 очко ортда қолаётган бўлсак ҳам Ла Лига учун курашамиз. Тўғри қарор қабул қилаётганимни биламан. Клуб ҳаммадан устун”, — дейди Хави.

Маълумот учун, «Барса» 2020 йилдан кейин илк марта бир ўйинда ўз дарвозасидан 5та тўп олиб чиқди. Клуб 44 очко билан 3-ўринда бормоқда. «Замин»ни Telegram’да ўқинг!