Европа Лигаси 1/8 финал. “Ливерпуль” ва “Рома”да йирик ҳисобдаги ғалабалар

Футбол бўйича Европа Лигасининг 1/8 финалидан ўрин олган ўйинлар 7 март, пайшанба куни бўлиб ўтди.

“Ливерпуль” сафарда “Спарта” меҳмони бўлди ва 5:1 ҳисобидаги ғалабани расмийлаштирди. Мерсисайдликлар таркибида Мак Аллистер, Собослаи ва Диаслар биттадан гол урган бўлса, Дарвин Нуньес дубль муаллифига айланди.

“Рома” “Брайтон”га қарши баҳс олиб борди. Учрашувнинг 12-дақиқасида Пауло Дибала ҳисобни очди. Биринчи бўлим сўнгида Ромелу Лукаку ҳисобни ишончли кўринишга олиб келди.

Римликлар иккинчи бўлимда ҳам рақиб дарвозаси томон аниқ йўл топди. Бу сафар 64-дақиқада Манчини, 68-дақиқада Кристанте ўз номини таблога ёздириб қўйди. Шу тариқа учрашув 4:0 ҳисобида якунланди.

“Байер” “Карабах”га қарши ўйнади. Учрашув 2:2 ҳисоби билан якунланди. Озарбайжон жамоаси таркибида Бензиа ва Жуниньо дарвозани ишғол қилган бўлса, немис клуби сафида Вирц ва Шик ўз ҳисобига гол ёздириб қўйди.

Европа Лигаси
1/8 финал
7 март, пайшанба

“Спарта” – “Ливерпуль” 1:5
Голлар: 0:1 – 6 Мак Аллистер (пенальти), 0:2 – 25 Нуньес, 0:3 – 45 Нуньес, 1:3 – 46 Бредли (автогол), 1:4 – 53 Диас, 1:5 – 90 Собослаи.
“Спарта”: Виндал-Йенсэн, Пресиадо, Соренсен (Ринеш, 43), Витик, Крейчи, Зелени, Солбаккен, Кайринен (Карабес, 74), Гараслин (Лячи, 65), Бирманчевич (Туси, 74), Кухта (Олатунжи, 74).
“Ливерпуль”: Келлеҳер, Гомес (Бредли, 46), Конате (ван Дейк, 50), Куанса, Робертсон, Эндо, Мак Аллистер (Кларк, 65), Эллиотт, Диас (Салоҳ, 74), Гакпо, Нуньес (Собослаи, 51).
Огоҳлантиришлар: Крейчи (62), Зелени (73).

“Рома” – “Брайтон” 4:0
Голлар: 1:0 – 12 Дибала, 2:0 – 43 Лукаку, 3:0 – 64 Манчини, 4:0 – 68 Кристанте.
“Рома”: Свилар, Челик, Манчини, Ндика, Спинассола (Льоренте, 82), Паредес (Бове, 72), Кристанте, Пеллегрини, Аш-Шаарави (Залевски, 88), Дибала (Балданси, 72), Лукаку (Азмун, 88).
“Брайтон”: Стил, Лемпти, Данк, ван Хекке, Игор Жулио (Эступинян, 75), Gross, Гилмор (Балеба, 81), Буонанотте (Велтман, 75), Энсисо (Фати, 46), Аденгра, Уэлбек (Фергюсон, 81).
Огоҳлантиришлар: ван Хекке (38), Спинассола (61), Лемпти (67).

“Карабах” – “Байер” 2:2
Голлар: 1:0 – 26 Бензия, 2:0 – 45 Жуниньо, 2:1 – 70 Вирц, 2:2 – 90 Шик.
“Карабах”: Лунев, Вешович, Гусейнов, Мустафазаде, Байрамов, Бензия (Исаэв, 90), Зубир (Жижа, 90), Янкович, Патрик, Андраде (Матеус, 80), Жуниньо (Ахундзаде, 85).
“Байер”: Коварж, Та, Тапсоба, Коссуну (Станишич, 81), Грималдо, Телла (Фримпонг, 46), Андрих, Паласиос (Жака, 58), Адли, Иглесиас (Шик, 80), Гложек (Вирц, 58).
Огоҳлантириш: Жуниньо (8). “Замин” янгиликларини “Telegram”да кузатиб боринг