ЕЧЛ. «Атлетико» «Интер»ни пеналтилар сериясида мағлуб этди, «Боруссия Д» ҳам 1/4 финалда

Футбол бўйича Европа Чемпионлар Лигасининг нимчорак финалидан ўрин олган икки ўйин 13 март, чоршанба куни бўлиб ўтди.

“Интер” сафарда “Атлетико” меҳмони бўлди. Учрашувнинг 33-дақиқасида Федерико Димарко ҳисобни очди. Орадан 2 дақиқа ўтиб, “матрасчилар” футболчиси Антуан Гризманн жавоб голини урди. Биринчи бўлимда ушбу ҳисоб сақланиб қолди.

Иккинчи бўлимда эса жамоалар ҳужумкор ўйин намойиш этди. 87-дақиқага келиб, Мемфис Депай мадридликларни ҳисобда олдинга олиб чиқди. Икки ўйин натижасига кўра, “Атлетико” ҳисобни тенглаштирди (дастлабки ўйинда “Интер” 1:0 ҳисобида ғалаба қозонган эди) ва ҳакам қўшимча бўлимлар учун ҳуштагини чалди.

Қўшимча бўлимларда эса дарвозалар дахлсизлиги сақланиб қолди ва ғолиб номи пенальтилар сериясида аниқланадиган бўлди. Пенальтилар сериясида эса “Атлетико Мадрид” 3:2 ҳисобида ғалаба қозониб, “Интер”ни мусобақадан чиқариб юборди.

“Боруссия Д” ўз майдонида “ПСВ”ни қабул қилди ва 2:0 ҳисобида зафар қучди. Дортмундликлар таркибида Жейдон Санчо ҳамда Марко Ройслар гол муаллифларига айланди.

Жамоалар ўртасидаги дастлабки ўйинда 1:1 ҳисоби қайд этилганди. Икки ўйин натижасига кўра, немислар 3:1 ҳисобида ғалаба қозонди ва кейинги босқичга йўл олди.

Шу тариқа чоракфиналга чиққан барча 8 жамоа маълум бўлди — «Манчестер Сити», «Реал», «Бавария», «ПСЖ», «Барселона», «Арсенал», «Атлетико» ва «Боруссия Д». 15 март куни қуръа ташлаш маросими бўлиб ўтади.

ЕЧЛ. 1/8 финал. 13 март
Жавоб баҳслари

Атлетико — Интер 2:1
Пеналтилар серияси — 3:2.
Голлар: Гризманн (35), Депай (87) — Димарко (33).
Атлетико – Облак, Молина (Барриос, 79), Савич, Эрмосо, Витцел, Коке, Де Паул (Корреа, 71), Лоренте (Аспиликуэта, 99), Гризманн (Саул, 106), Мората (Депай, 79), Лино (Рикелме, 71).
Интер – Зоммер, Думфрис (Дармиан, 73), де Врей, Павар, Бастони (Ачерби, 73), Димарко (Биссек, 84), Мхитарян (Классен, 111), Чалхонўғли, Барелла (Фраттези, 84), Тюрам (Санчес, 102), Мартинес.
Огоҳлантиришлар: Эрмосо (41), Коке (90), Чалхонўғли (104), Ачерби (105), Биссек (118).
Биринчи ўйин — 0:1.

Боруссия Д — ПСВ 2:0
Голлар: Санчо (3), Ройс (90+5).
Боруссия Д – Кобел, Зюле, Ҳуммелс, Жан, Матсен, Забитцер, Брандт (Нмеча, 58), Ўзжан, Мален (Адейеми, 70), Санчо (Ройс, 75), Фуллкруг.
ПСВ – Бенитес, Тезе, Боскалли, Схаутен, Дест, Мауро Жуниор (Бабади, 86), Тил (Лосано, 46), Верман (Пепи, 82), Тиллман, Бакайоко, де Йонг.
Огоҳлантиришлар: Зюле (88), Нмеча (89).
Биринчи ўйин — 1:1. «Замин» янгиликларини «Вконтакти»да кузатиб боринг