Франция чемпионатида юқори ўринлар ва Еврокубок йўлланмалари учун курашаётган “Ланс” 12 апрелга белгиланган 29-турда “Мец” меҳмони бўлиши керак.
Клуб расмий сайтида ўзбекистонлик легионер Абдуқодир Ҳусанов ўйин қайдномасига киритилмагани ва ўринбосарлар таркибига жўнатилгани кўрсатилган.
Бош мураббий Франк Хейз таркибдаги вазият ҳақида қуйидагича маълумот берган бўлса-да, Абдуқодир Ҳусановнинг учрашув қайдномасига киритилмагани ҳақида маълумот бермаган.
- Салис Абдул Самед велотренажёрда шуғуллана бошлади, югуряпти ва тикланиш жараёни яхши кетмоқда. У умумий гуруҳ машғулотларига душанба куни қўшилади.
Элье Вахи ҳам ҳафта давомида кўп шуғуллана олмади. Ўйиндан олдин умумий машғулотларда қатнаша оладими ёки йўқ, буни кўриб чиқамиз. 100 фоиз тайёр бўлишига умид қиламиз. Таркибда айрим ноаниқликлар бор, - деди Франк Хейз.
Франция футболи ва “Ланс” фаолиятини ёритаётган айрим манбалар, хусусан, le11hdf.fr ва lensois.com сайтлари асосий таркиб ўйинчиси ҳисобланган Абдуқодир Ҳусанов ўринбосарлар жамоасига ўтказилгани ва “Мец” билан ўйин қайдномасига киритилмаганини ёзмоқда.
- Дейвер Мачадо жароҳатидан қутилиб, сафга қайтди. Салис Абдул Самед эса, шикастлангани учун учрашувда қатнаша олмайди.
Абдуқодир Ҳусанов ҳам ўйинни аниқ ўтказиб юборади. У шанба куни ўринбосарлар таркибидаги машғулотларда қатнашиши белгиланган, - деб маълумот тарқатди lensois.com сайти журналисти Элоиза Де Местер.
Аслида Абдуқодир Ҳусановнинг асосий таркибдан чиқарилишига ва қайдномага киритилмаслигига ҳеч қандай асос йўқ. Бироқ, “Ланс” раҳбарияти Ўзбекистон футбол ассоциацияси илтимосига кўра, Ҳусановни Қатарда бўладиган 23 ёшгача футболчилар ўртасидаги Осиё кубогида иштирок этиш учун Ўзбекистон терма жамоаси ихтиёрига қўйиб юборишга рози бўлгани ҳақида маълумотлар чиқа бошлади.
Ҳозирча бу хабарлар расман тасдиқланиши кутиляпти.
Эслатиб ўтамиз, Қатардаги Осиё кубоги ФИФА кунларидан ташқарида ташкил этилаётгани боис, “Ланс”, ЦСКА ва “Ал-Ваҳда” мос равишда Абдуқодир Ҳусанов, Аббосбек Файзуллаев ва Ҳожимат Эркиновни ёшлар терма жамоаси ихтиёрига қўйиб юбормагани, бироқ мутасаддилар бу клублар билан музокаралар ўтказаётгани маълум қилинганди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Сурхондарё вилоятида айиқ ИИБ ходимига жароҳат етказди
D витамини дозасини ошириб юборишнинг хавфли оқибатлари
Украина ҳарбий бўлинмалари Харкив вилоятидаги янги позицияларга ўтказилди
Колумбия президенти Нетаньяхуни ҳибсга олишга чақирди
Эрдўғон давлат тўнтариши эҳтимоли сабабли тунда фавқулодда йиғилиш ўтказди
Ўзбекистонда қимор ўйинларига нега қонуний рухсат берилгани тушунтирилди
«Аср жанги»: Фюри ва Усик оғир вазнда мутлақ жаҳон чемпиони унвони учун жанг қилади
Метаболизмни тезлаштиришга ёрдам берадиган 8 та маҳсулот
