Италия спортини ёритишга ихтисослашган етакчи нашрлардан бири Corriere dello Sport газетаси “Рома”нинг кейинги йиллардаги трансфер сиёсатига доир мақола эълон қилди.
Унда римликларнинг спорт директори Тьяго Пинто томонидан амалга тоширилган, лекин жамоага кутилган фойдани келтирмаган трансферлар муҳокама қилинган.
Манбанинг ёзишича, “Рома”га эгалик қилувчи Фридкинлар оиласи Тьяго Пинто танлаган футболчиларни пойтахтга олиб келиш учун мўмайгина харажат қилишига тўғри келган.
Бироқ, “Рома”ни Жозе Моуриньо бошқарган даврда янги олиб келинган футболчиларнинг аксарияти кутилган натижани бермади. Маошлар, бонуслар, комиссиялардан ташқари 13 нафар янги ижрочи учун жами 110 миллион евро сарфланган.
Тьяго Пинтонинг биринчи хариди 2020 йилнинг январида 7 миллион евро эвазига “Рома”га олиб келинган Рейнольдс бўлди. Кейин катта трансферлар амалга оширилиб, Элдор Шомуродов учун 20 миллион еврога яқин, Виньяга 15 миллион евро тўланиши белгиланди.
Бу уч нафар ўйинчи жамоага умумий ҳисобда 42,2 миллион еврога тушди ва ижарага берилгунга қадар А Серияда Рейнольдс олтита, Шомуродов 34 та (учта гол), Винья 29 та учрашув ўтказди.
Энг қиммат харид – Тэмми Абрахам ҳам ўзига сарфланган 42 миллион еврони оқламади. Дебют мавсумида порлаган англиялик юлдуз бугунги кунга келиб Рим клубида захира ўйинчиси даражасига тушиб қолган.
Тьяго Пинто топилмаларидан дарвозабон Руй Патрисио 13,1, Зеки Челик 7,4 миллион еврога тушди. Бу ўйинчилар ҳам ҳозир асосий таркибнинг муқим вакиллари эмас.
Серхио Оливейра, Мейтланд-Найлс, Камара, Льоренте, Ренато Саншеш, Хейсен каби ўйинчиларнинг ижарасига жами 6 миллион евро сарфланган бўлса-да, улар ҳам кутилган самарани бергани йўқ.
Яна бир манба – tuttocagliari.net сайтининг ёзишича, “Рома” клуби Элдор Шомуродов трансфери учун “Женоа”га келишилган суммани тўлиқ тўлаб бергани йўқ.
Қайд этилишича, римликлар ўзбек ҳужумчиси учун генуяликларга бу йил ҳисобидан 4 миллион евро ўтказиб бериши шарт. Келаси йили ҳам худди шу миқдордаги маблағ тўланиши талаб этилади. Яъни, пойтахтликлар икки йил ичида Элдор Шомуродов трансферидан 8 миллион евро қарзини ёпишига тўғри келади. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Медведев: Махсус ҳарбий операция учун қуролларнинг аксарияти Россияда ишлаб чиқарилади
Украина элчиси: “Россия армияси Одесса ва Николаевни босиб олишига Туркия тўсқинлик қилган”
Янги Зеландияда маори қабиласи оқсоқолининг портрети аукционда рекорд нархда сотилди
Сенсация: Неймар “Барса”нинг ашаддий рақиби “Реал”га ўтадиган бўляпти
Республикада бўлиши номақбул деб топилган шахсларнинг рўйхати шакллантирилади
Бош вазир ёрдамчиси ва унинг акаси ишдан олинди
Қирғизистон аҳолиси сони эълон қилинди
Украина аскари машғулотлардан бир ҳафта ўтиб қандай қилиб асирга тушганини айтиб берди
