А Серияда юздан ортиқ учрашувда майдонга тушган Элдор Шомуродов ёзда янги жамоа масаласини ҳал қилишига тўғри келади.
Чемпионатнинг иккинчи қисмида легионеримиз фаолиятида ижобий ўзгариш юз берганидан кейин “Кальяри” юқори дивизиондаги жойини сақлаб қолган тақдирда ҳамюртимизни ўз сафида олиб қолиши кутилаётган эди.
“Рома” ва “Кальяри” ўртасидаги келишувга кўра, сардинияликлар бир мавсумдан иборат ижара муддатидан кейин ўзбек футболчисини яна 9 миллион евро тўлаган ҳолда тўлиқ трансфер қилиш ҳуқуқига эга эди.
Сўнгги маълумотларга қараганда, “Кальяри” раҳбарияти бу имкониятдан фойдаланмасликка қарор қилган.
Хусусан, Европа футболини ёритиб келаётган onefootball.com сайти Элдор Шомуродовнинг келажагига доир янги маълумот чиқарди.
- “Кальяри” ўзбек футболчиси билан доимий ҳамкорлик қилиш ғоясидан воз кечди. Элдор Шомуродов ижара муддати тугаганидан кейин “Рома” ихтиёрига қайтиши кутилмоқда. Сардинияликлар Шомуродов узоқ муддатли фойда келтирииш мумкинлигига ишонмаяпти, - деб ёзди onefootball.com сайти.
Бу мавзудаги маълумотларни бошқа манбалар ҳам қаламга олмоқда.
- “Кальяри” Элдор Шомуродовни тўлиқ трансфер қилиш ҳуқуқидан фойдаланмайди. Бунинг оқибатида ўзбек ҳужумчиси ёзда “Тригория”га қайтади. У “Специя” ва “Кальяри”даги икки ижара муддатидан кейин келаси фаолиятига ойдинлик киритишини кутади, - деб ёзди ilmessaggero.it сайти.
Айрим манбалар ёзда “Рома” ҳужум чизиғида жиддий ўзгаришлар бўлишини таъкидламоқда.
- Бош мураббий Даниэле Де Росси ҳужум чизиғига ойдинлик киритиб олиши керак. Ромелу Лукаку “Челси”дан сотиб олинмайди ва у мавсум якунланиши билан Лондон клубига қайтарилади.
Пауло Дибаланинг ҳам клубдаги келажаги аниқ эмас. Уни ёзда 13 миллион еврога харид қилиш опцияси очилади. Аргентиналик юлдуз Европа Чемпионлар лигасида мунтазам ўйнайдиган клубда тўп тепмоқчи.
Сардор Азмун “Байер”га қайтарилади. Тэмми Абрахам ҳам Англия Премьер-лигасига қайтмоқчи. Жорий мавсумда ижарага берилган Андреа Белотти, Ола Сольбаккен ва Элдор Шомуродов яна Римга қайтади ва келажаги борасидаги янги қарорни кутади, - деб ёзмоқда tuttomercatoweb.com сайти эксперти Антони Парротто. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
БААда исроиллик раввин ўлдириб кетилди
Медведев: Махсус ҳарбий операция учун қуролларнинг аксарияти Россияда ишлаб чиқарилади
Филиппинда амалдор президент ва рафиқасини ўлдириш учун қотил ёллади
Қозоғистон президенти маҳаллийлаштирилган спортчилар сонини камайтиришга топшириқ берди
АҚШда 10 ёшли бола полицияга қўнғироқ қилиб, математикадан уй вазифасини бажаришда ёрдам сўради
Хонанда Муниса Ризаева илк марта она бўлди
Мигрень, кластер цефалгия, зўриқиш... Бош оғриғининг неча тури мавжуд?
Сайхунободда қарздор отадан салкам 75 млн сўм алимент пуллари ундирилди
