"Зенит" "Ростов"ни мағлуб этди ва яна Россия чемпионига айланди

^{Фото: Getty Images}
Футбол бўйича Россия Премьер Лигасининг сўнгги 30-тур баҳслари бўлиб ўтди.

Чемпионликка асосий даъвогар “Динамо” ҳал қилувчи баҳсда меҳмонда “Краснодар”га мағлубиятга учради. Шу тариқа жамоа мавсумни бронза медаллари билан якунлади. Марказий баҳсда етакчиларни мағлубиятга учратган мезбонлар кумуш медалларига эга чиқди. Ўз уйида “Ростов”ни мағлубиятга учратган “Зенит” 57 очко билан мамлакат чемпионлигини қўлга киритди.

"Зенит" – "Ростов" 2:1
Голлар: 0:1 – 54 Роналдо, 1:1 – 65, пенальти Мантуан, 2:1 – 85 Артур.
"Зенит": Адамов, Эракович, Нино, Алип, Караваев (Артур, 74), Мантуан (Ерохин, 74), Клаудиньо, Барриос, Вендел (Васильев, 90), Сергеев (Педро, 46), Кассьерра (Родригао, 90).
"Ростов": Песьяков, Лангович, Осипенко (Мелехин, 84), Сако, Вахания (Чернов, 55), Уткин (Байрамян, 90), Глебов, Щетинин, Комаров (Азнауров, 90), Роналдо, Голенков (Комличенко, 55).
Огоҳлантириш: Караваев (22), Сако (61), Комаров (68), Артур (86).

“Краснодар” ва “Динамо” 56 очко билан мос равишда иккинчи ва учинчи ўринга жойлашди.

^{Фото: Google Sports}
“ЦСКА” ўз уйида “Урал”ни қабул қилди. Асосий таркибда майдонга тушган Аббосбек Файзуллаев жамоасининг икки голида ҳам фаол иштирок этди. Айниқса, иккинчи голда унинг зарбасидан қайтган тўпга Тамерлан Мусаев зарба бериб, ҳисобни ишончли кўринишга олиб келди.

Мавсумни юқори нотада ўтказган ёш ўзбекистонлик футболчи 84-дақиқада алмаштирилди. Шу тариқа 48 очко тўплаган “ЦСКА” 6-ўриндан жой олди.

Эслатиб ўтамиз, Аббосбек Файзуллаев мавсумнинг энг яхши ёш футболчиси бўлиш учун асосий номзодлар қаторида бормоқда. “Замин” янгиликларини “Одноклассники”да кузатиб боринг