ЖЧ—2026 саралаши. Ўзбекистон Туркманистонни ишончли ҳисобда мағлуб этди (видео)

^{Фото: ЎФА}
Футбол бўйича Ўзбекистон терма жамоаси ЖЧ—2026 саралаши доирасида 6 июнь, пайшанба куни Туркманистонга қарши баҳс олиб борди.

Учрашувнинг 17-дақиқасида Ҳусниддин Алиқулов ҳисобни очди. 25-дақиқада эса Шаназар Тиркишов ҳисобни тенглаштиришга муваффақ бўлди.

Орадан 4 дақиқа ўтиб, Остон Ўрунов чиройли комбинацияни голга айлантирди. Бўлим Ўзбекистоннинг кичик устунлиги билан якунланди.


^{Фото: ЎФА}
Иккинчи бўлимда ҳам Сречко Катанец шогирдлари тўп назоратини қўлга олди. 71-дақиқада Шерзод Насруллаев ҳисобни ишончли кўринишга олиб келди.

Қолган дақиқаларда дарвозалар ишғол этилмади ва Ўзбекистон 3:1 ҳисобида ғалаба қозонди.

ЖЧ—2026 саралаши
6 июнь, пайшанба

Ўзбекистон – Туркманистон 3:1
Голлар: Ҳусниддин Алиқулов, 17 (1:0), Шаназар Тиркишов, 25 (1:1), Остон Ўрунов, 29 (2:1), Шерзод Насруллаев, 71 (3:1).

Ўзбекистон: 1. Ўткир Юсупов, 5. Рустам Ашурматов, 7. Отабек Шукуров (Абдулла Абдуллаев, 76), 9. Одилбек Ҳамробеков, 10. Жалолиддин Машарипов (Жамшид Искандеров, 76), 11. Остон Ўрунов (Ҳожимат Эркинов, 83), 13. Шерзод Насруллаев, 14. Элдор Шомуродов, 15. Умар Эшмуродов (Абдуқодир Ҳусанов, 50), 19. Азизбек Турғунбоев (Аббосбек Файзуллаев, 50), 23. Ҳусниддин Алиқулов.

Туркманистон: 1.Аҳаллиев Рустем, 2. Гуйчмират Аннагулиев, 3. Ихлас Тойжанов, 6. Алибек Абдураҳмонов, 8. Мирза Бекназаров, 11. Дидар Дурдиев, 12. Ҳақмуҳаммад Башимов, 13. Велмират Баллаков, 14. Шаназар Тиркишов, 15. Абди Башимов, 17. Алтимират Аннадурдиев.

Огоҳлантиришлар: Шерзод Насруллаев (52), Ҳақмуҳаммад Башимов (64). “Замин” янгиликларини “Telegram”да кузатиб боринг