Германия "Евро-2024"нинг 3-турида Швейцарияга қарши майдонга тушиб, 1:1 ҳисобида дуранг ўйнади. Дастлаб Ндойе жамоасини олдинга олиб чиқди, лекин 90+2-дақиқада заҳирадан майдонга тушган Фюллькруг немисларни мағлубиятдан қутқариб қолувчи голни урди. Камига бу гол орқали Нагельсманн шогирдлари гуруҳдаги пешқадамликни сақлаб қола олди.
Никлас Фюллькруг ушбу чемпионатда энг кам ўйнаб, энг кўп гол урган футболчига айланиб олди. У 3 та баҳсда ҳам асосий таркибга кира олмади ва сўнгги дақиқаларда майдонга туширилди. Шунингдек, "Боруссия" страйкери икки марта рақиб дарвозасини ишғол қилди. Дастлабки голи эса шунчаки ажойиб эди. Иккинчиси эса жуда ҳам керакли пайтда урилди.
Биламизки, немислар учун сўнгги йирик турнирлар кўнгилдагидек ўтаётгани йўқ. Жамоа 2018 ва 2022 йиллар ЖЧ гуруҳ босқичидан уйга равона бўлди, 2021 йилда эса Англияга мағлуб бўлиб, Евродаги юришини тўхтатганди. Мана шу ўйинлардаги жамоанинг энг катта камчилиги бу керакли пайтда ҳужумларни якунлай олмаслигида эди. Бугун эса Никлас биринчи уринишидаёқ буни уддалай олди. У ўйин давомида бир маротабагина зарба беришга муваффақ бўлди, холос.
Германия бу турнирни номинал ҳужумчисиз бошлади. Кай Хаверц марказга ўтказилиб, ундан яширин тўққизлик сифатида фойдаланилмоқда. Бу ўз навбатида катта ўйинларда жамоага панд бериб қўйиши ҳам мумкин. Айниқса, биринчи гол ўтказиб юборилса, жавоб қайтариш қийин бўлади. Шундай ҳолатни биз "Реал"нинг "Бавария"га қарши иккинчи учрашувида кўргандик. Ўшанда заҳирадан майдонга тушган Хоселу ҳаммасини ҳал қилиб кетганди.
Германиянинг Хоселуси бу Фюллькругдир. Ундан ҳеч ким ҳеч нарса кутмаган жойида голлар уриб кетишини гуруҳ ўйинларида кўрдик. Энди плей-офф босқичида ҳам ҳужумчи катта саҳнага чиқиши мумкин. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Диний қўмита Умра зиёратини ташкил қилиш учун 12 та турфирмага лицензия берди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Шавкат Мирзиёев Россия бош прокурори билан учрашув ўтказди
Зеленский Путин борасида баёнот берди: “Тинчликни истаганлар юзига тупурмоқда”
Ўмон султонлиги элчиси: «Урушларни ҳарбий куч билан ҳал қилиб бўлмайди»
Путин Украинадаги объектга баллистик ракета зарбаси берилганини эълон қилди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
