Евро—2024. Австрия Нидерландияни мағлуб этди, Франция эса Польша билан дуранг ўйнади

Футбол бўйича Европа Чемпионатининг D гуруҳи 3-турдан ўрин олган ўйинлар 25 июнь, сешанба куни бўлиб ўтди.

Австрия Нидерландияга қарши баҳс олиб борди. Учрашувнинг 6-дақиқасида Мален автогол муаллифига айланди. Иккинчи бўлим бошида эса Нидерландия футболчиси Гакпо ҳисобни тенглаштирди. 59-дақиқада Шмид яна Австрияни ҳисобда олдинга олиб чиқди. 76-дақиқада Депай мувозанатни тиклади.

80-дақиқада эса Забицер Австрияга ғалаба келтирувчи гол муаллифи бўлди.

Гуруҳнинг иккинчи ўйини бўлган Франция ва Польша қарама-қаршилигида 1:1 ҳисобида дуранг қайд этилди. Учрашувдаги иккала гол ҳам пенальтидан урилди. Бирига Килиан Мбаппе муаллифлик қилган бўлса, яна бири Роберт Левандовски ҳисобига ёзилди.

3-турдан сўнг D гуруҳи қуйидагича кўриниш олган. Шу тариқа гуруҳдан Австрия, Франция ҳамда Нидерландия кейинги босқичга йўл олди.

Евро—2024
3-тур
25 июнь, сешанба
Нидерландия – Австрия 2:3
Голлар: 0:1 – 6 Мален (автогол), 1:1 – 47 Гакпо, 1:2 – 59 Шмид, 2:2 – 75 Депай, 2:3 – 80 Забицер.
Нидерландия: Вербрюгген, Гертрюйда, де Врей, ван Дейк, Аке (ван де Вен, 65), Схаутен, Верман (Симонс, 35), Рейндерс (Вейналдум, 65), Мален (Вегорст, 72), Гакпо, Депай.
Австрия: Пенц, Пош, Линхарт (Баумгартнер, 62), Вебер, Прасс, Забицер, Гриллич (Кверфелд, 64), Шмид, Зайвалд, Виммер (Лаймер, 63), Арнаутович (Грегорич, 78).
Огоҳлантиришлар: Пош (32), Виммер (33).

Франция – Польша 1:1
Голлар: 1:0 – 56 Мбаппе (пенальти), 1:1 – 79 Левандовски (пенальти).
Франция: Менян, Кунде, Упамекано, Салиба, Эрнандес, Канте (Гризманн, 61), Рабьо (Камавинга, 61), Тчуамени (Фофана, 81), Дембеле (Коло-Муани, 86), Барколя (Жиру, 61), Мбаппе.
Польша: Скорупски, Давидович, Беднарек, Кивер, Залевски (Скурас, 68), Зелиньски, Шимански (Свидерски, 68), Модер, Франковски, Урбански, Левандовски.
Огоҳлантиришлар: Залевски (24), Рабьо (43). “Замин” янгиликларини “Инстаграм”да кузатиб боринг