269
Андрей Пятницкий: "Терма жамоаларнинг ўйинларидан кўрса бўладики, ўзбек футболи юқори савияга кўтарилмоқда"
Ўз вақтида ўзидан ёрқин таассурот қолдирган ва айниқса ёши катта мухлислар яхши эслайдиган собиқ футболчилардан бири ва ҳозирда мураббийлик билан шуғулланаётган - бу Андрей Пятницкий.
Унинг “Пахтакор” ЦСКА (Москва) ва “Спартак” (Москва) клубларидаги ёрқин фаолияти орқали эслаш янада ёқимли. Бу йил бошида эса Пятницкий юртимизга қайтди ва “Динамо” U21 жамоасини бошқаришга киришди. Sports.uz мухбири эса ундан айрим саволларга жавоб олди.
- Андрей Владимирович, Ўзбекистон чемпионати сизга ёқяптими?
- Чемпионат менга жуда ёқмоқда. Ўйинлар юқори савияда ўтяпти. Барча учрашувларни кузатиб боряпман. Терма жамоаларнинг ўйинларидан кўрса бўладики, ўзбек футболи юқори савияга кўтарилмоқда. Бир сўз билан айтганда, менга манзур келяпти.
- Шунингдек, “Динамо” клубининг чемпионатдаги иштироки хусусида нималарни айта оласиз?
- “Динамо” кўп жамоалар билан яхши ўйин кўрсатмоқда. Лекин кам очко жамғарган. Ҳали ўйинлар олдинда. Мусобақа охирида “Динамо” юқори ўринлардан бирини эгаллайди, деб умид қиламан. Ўйин сифати бор, бу ўз-ўзидан натижалар бўлишига олиб келади.
- Сизни “Динамо” U21 жамоасида иш бошлашингиз қандай юз берди? Бундай таклиф бўлишини кутмаганмидингиз?
- “Динамо”да тажрибали мутахассис Вадим Карленович фаолият юритмоқда. Жамоа жуда яхши ўйин кўрсатяпти. Мухлисларга ҳам ёқяпти. Шундай вазият бўлдики, мен ўзимга боғлиқ бўлмаган ҳолда ишсиз эдим. Онамнинг соғликлари яхши эмас эди. У бу ерда бир ўзи қолганди. Натижада шу ерга келишимга тўғри келди. Бундай паллада жамоадан таклиф бўлди. Онамга қараш бахонасида футболдаги фаолиятимни давом эттириш учун таклифга рози бўлдим.
- Айни пайтда сиз учун Ўзбекистон чемпионатидаги кучли футболчи ким?
- Ўзбекистондаги кучли футболчиларни ҳали аниқлаганим йўқ. Лекин менга Черанни ўйинлари ёқмоқда. Футболчи тажрибали ва ақлли. Менга шундай футболчилар ёқади. Чемпионатда кўплаб тажрибали ва иқтидорли футболчилар мавжуд. Мени рўйхатимда 15 га яқин шундай футболчилар бор, кузатишда давом этамиз.
Шуҳратбек Жўраев.
“Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ҳиндистон БМТни ислоҳ қилишга чақирди
Трамп Эрон томонидан ўлим таҳдиди ҳақида огоҳлантирилди
Диетолог қандай қилиб нон истеъмол қилмасдан қисқа вақтда озиш мумкинлигини айтди
Яқин Шарқ катта уруш остонасидами?
Столтенберг: “Россия НАТОни қўрқитишга ҳаракат қилмоқда”
Зеленскийнинг АҚШга ташрифи: Трамп «Украина энди йўқлиги»ни айтди
Дунёдаги энг бахтли шаҳарлар рейтинги эълон қилинди
Ҳиндистонда 50 дан ортиқ дори-дармонлар сифатида муаммо аниқланди
