Қозоғистонлик профессионал боксчи Иван Дычко (13-0, 12 КО) “Vesti.kz” нашрига берган интервьюсида ўзбекистонлик Олимпиада чемпиони Баҳодир Жалолов билан ўтказилиши мумкин бўлган жанг ҳақида ўз фикрлари билан ўртоқлашди.
Фото: “Meta-ratings.kz”
Спортчилар ҳаваскор боксда тўқнаш келган. Жангларда Дичко тўрт бора ғалабани қўлга киритган. Қозоғистонлик боксчининг сўзларига кўра, у профессионал боксдаги қобилиятига ҳам ишонади.
“Албатта, Жалолов сезиларли ютуқларга эришди, у кучайиб кетди, аммо унинг устидан қозонган ғалабаларим техника ва тактикадаги устунлигим туфайли эди”, — дея таъкидлади Дичко.
Қозоғистонлик боксчи Жалолов узун бўйли боксчиларга хос узоқ масофадан ишлашга асосланган тактика қўллашини ва бу, албатта, муваффақият келтиришини таъкидлади.
“Жалолов — узун бўйли боксчи, бу унга рақибини масофада ушлаб туриш имконини беради, бунда ғайритабиий нарса йўқ, бу баланд бўйли боксчилар орасида одатий ҳол”, — дея қўшимча қилди Дичко.
Жалолов билан бўлиши мумкин бўлган жангнинг эҳтимолий натижаси ҳақидаги саволга жавоб берар экан, Дичко ўзининг ғалабасига ишонч билдирди.
“Мен бу жангда фаворит бўлардим ва балки нокаут билан ғалаба қозонишим ҳам мумкин”.
Фото: IBA
1980 йилги Олимпиада кумуш медали совриндори Виктор Демяненко ҳам “Vesti.kz” мухбири билан суҳбатда қозоғистонлик оғир вазндаги боксчи Иван Дычко ва Ўзбекистон терма жамоаси етакчиси Баҳодир Жалолов ўртасидаги эҳтимолий жанг ҳақида гапирди.
“Агар уларнинг жанги мухлислар учун қизиқарли бўлса, уни ўтказиш керак. Қолаверса, Жалолов фаолиятида узоқ танаффуслар бор: у ҳам профессионал, ҳам ҳаваскор боксда жанг қилади. Жанггача боксчилар қандай формада бўлишлари аниқ эмас. Бу қизиқарли жанг бўларди, лекин мен Дичко кўпроқ жанг ўтказиши ва рейтинг очколарини қўлга киритиши керак, деб ўйлайман”, — деди Демяненко.
Эслатиб ўтамиз, Баҳодир Жалолов 2024 йилги Олимпиада ўйинларида 92 килограммдан юқори вазн тоифасида олтин медалга асосий даъвогарлардан бири саналади.
Қозон (Россия) шаҳрида бўлиб ўтган BRICS ўйинларида Баҳодир Жалолов ғалаба қозониб, олтин медални қўлга киритди. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Рамзан Қодиров Ғарб давлатларига ҳужум қилишга чақирди: “Ҳақиқий уруш қандайлигини ҳис қилишсин”
Суперлига. ОКМК сафарда "Пахтакор"ни мағлуб этди ва 11 йиллик қора анъанага чек қўйди
Жосеп Боррел: “Халқаро жиноят судининг Нетаньяхуни ҳибсга олиш бўйича қарори ижро этилиши шарт”
Ҳар пайшанба жисмоний тарбия ва спорт куни сифатида белгиланади
Мeтаболизм секинлашганининг белгилари
Ҳусийлар Исроил авиабазасига гипертовушли ракета билан зарба берди
Туркия ўзининг биринчи квант компютерини тақдим этди
