Марказий Осиёнинг энг қимматбаҳо футболчиси Аббосбек Файзуллаев янги мавсумга тайёргарликни бошлади.
ЦСКА клуби коммуникациялар хизмати раҳбари Крилл Брейдо жамоанинг биринчи ўқув-машғулот йиғинига бир неча футболчи қўшилгани ҳақида маълумот берди.
- Жамоанинг Новогорскдаги йиғинларига Аббосбек Файзуллаев, Адольфо Гайч ва эркин агент мақомидаги Рифат Жемалетдинов келиб қўшилди, - деб хабар тарқатди Кирилл Брейдо.
Янги мавсумда юқори ўринлар учун курашишни мақсад қилган ЦСКА асосий таркиби машғулотларни бир неча кун аввал бошлаган эди.
Аббосбек Файзуллаев Ўзбекистон миллий терма жамоаси сафида 2026 йилги жаҳон чемпионатининг саралаш турнирида Туркманистон ва Эронга қарши ўтказилган расмий учрашувларга жалб қилингани боис, клуб йиғинига кечроқ қўшилди.
Янги мавсум 20 ёшли ҳужумкор футболчимиз учун ўта муҳим аҳамият касб этади. Биринчи навбатда, Файзуллаев июль-август ойларида Ўзбекистон U-23 терма жамоаси сафида Париждаги ёзги Олимпия ўйинларида иштирок этиши кутилмоқда.
Олимпиячиларимиз гуруҳда кучли жамоаларга қарши тўп тепади. Тимур Копадзе шогирдлари 24 июль куни Испания, 27 июлда Миср ва 30 июль куни Доминикан Республикаси қарши бўладиган ўйинларда майдонга тушади.
Аббосбек Файзуллаев 23 ёшгача бўлган футболчилардан иборат терма жамоада асосий фигуралардан ҳисобланади. Легионеримиз ушбу жамоа сафида 14 та баҳсда қатнашиб, рақиблар дарвозасини тўрт маротаба ишғол қилган.
Бундан ташқари, Аббосбек Файзуллаев янги мавсум давомида Ўзбекистон миллий терма жамоасининг 2026 йилги жаҳон чемпионати сари юришида иштирок этиши лозим.
Мамлакатимиз бош жамоаси Америка қитъаси мезбонлик қиладиган мундиалга бориш учун саралаш мусобақасининг учинчи босқичида Эрон, Қатар, Бирлашган Араб Амирликлари, Қирғизистон ва Корея Халқ Демократик Республикаси футболчилари билан рақобатлагади.
Сречко Катанец шогирдлари бу босқичдаги юришини 2024 йилнинг 5 сентябридан бошлайди. Учинчи босқич ўйинларини терма жамоамиз 2025 йилнинг 10 июнь куни якунлайди.
Шунингдек, Аббосбек Файзуллаев келаси мавсум давомида Европанинг кучли лигаларидаги клублар эътиборини қозониши керак. Ҳозирча, 20 ёшли футболчимизга “Бавария”, “Парма” ва “Вильярреал” қизиқаётгани ҳақида маълумотлар чиқди. Бироқ энди Файзуллаев ўз орзусини рўёбга чиқариш учун янги мавсумда янада кучлироқ ўйин кўрсатиши талаб этилади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Мадримов “даҳшатли жангда” енгилмас Кроуфордни қандай ютиши мумкин?
Отабек Умаров Тошкентда Telegram асосчиси Павел Дуров билан учрашди
Григорий Колосовский: "Индивудиал хатолар эвазига голлар ўтказиб юбордик"
Россияда ўлим жазосини тиклаш таклиф қилинди
Эрон президентлиги учун тўрт номзод курашмоқда
Байден: Ёш эмасман, лекин президентлик вазифасини бажара оламан
Шомуродов ва яна тўртта номзод! Элдорнинг трансфери бўйича иш кетмоқда
Тошкентда меҳмонхонада жанжал кўтарган уч нафар қиз 10 суткага қамалди
