ЦСКА клуби “Биродарлик кубоги” турнирининг илк турида Сербиянинг ОФК жамоасини 4:0 ҳисобида мағлубиятга учратди. Мусобақанинг илк голини Аббосбек Файзуллаев киритди.
Ўйиндан кейин Сербия футболининг энг машҳур вакилларидан бири Милош Красич “армиячилар” сафидаги ўзбек легионерининг маҳоратини алоҳида эътироф этди.
- “Ювентус”га ЦСКАдан қайси футболчини ўз таркибига қўшиб олишни тавсия қилган бўлардим? “Ювентус” жуда катта клуб, у ерда ўйнаш учун кўп меҳнат қилиш талаб этилади.
ЦСКАда иқтидорли ўйинчилар кўп, лекин менга Аббосбек Файзуллаев жуда ёқади. Унинг келажаги порлоқ эканига шубҳам йўқ.
Шунингдек, Фёдор Чалов ҳам келажакда “Ювентус”га ўтиши мумкин. Имконият катта ва бу содир бўлиши мумкин, - деди Милош Красич.
Сербиянинг “Войводина” клуби тарбияланувчиси бўлган Милош Красич Европанинг кучли лигаларидаги юришини айнан Москванинг ЦСКА клубидан бошлаган.
Бир неча позицияларда ўйнай оладиган ҳужумкор футболчи “армиячилар” сафида олти йил тўп тепганидан кейин Туринга йўл олди. “Ювентус” 2010 йили Милош Красични 15 миллион еврога трансфер қилди.
А Серия гранди сафида икки йил ўйнаган сербиялик юлдуз кейинчалик Туркияда “Фенербаҳче”, Францияда “Бастия”, Польшада “Лехия Гданьск” жамоалари шарафини ҳимоя қилиб, профессионал фаолиятини 2018 йили якунлади.
Милош Красич клублар миқёсида жами 415 та учрашувда майдонга тушиб, рақиблар дарвозасини 52 маротаба ишғол қилган ва жамоадошларига 61 та голли пас узатган. Тажрибали чарм тўп устаси Сербия терма жамоасида 46 та баҳсда ўз ҳисобига учта гол ёздириб қўйган.
Красич икки карра Россия чемпиони, тўрт маротабадан мамлакат кубоги ва Суперкубоги соҳиби, УЕФА кубоги ғолиби бўлган. “Ювентус” таркибида Италия чемпионлигига сазовор бўлган. “Фенербаҳче” билан Туркия кубогида муваффақият қозонган.
Эслатиб ўтамиз, Аббосбек Файзуллаев “Пахтакор” тарбияланувчиси ҳисобланади. Ҳамюртимиз ҳам легионер сифатидаги фаолиятини ЦСКАда бошлади.
Ўтган йили августда “армиячилар” сафига кўчиб ўтган 20 ёшли ҳужумкор футболчимиз Россиядаги дебют мавсумида 32 та учрашувда бешта гол ва 14 та ассист муаллифи бўлди.
Россияда мавсумнинг асосий кашфиёти сифатида эътироф этилган легионеримизнинг трансфер суммаси бир мавсумда бир неча баравар кўтарилиб, айни пайтда 6 миллион еврога баҳоланмоқда.
Файзуллаев трансфер суммаси масаласида Элдор Шомуродов ва Бахтиёр Зайнутдиновни ортда қолдириб, Марказий Осиё минтақасининг энг қимматбаҳо ўйинчисига айланди. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Иммунитетни кўтариш учун 6 та энг яхши витамин
НАТО собиқ қўмондони: “Путин Украинанинг тахминан 20 фоизини қўлга киритади”
Украина ҚК бош қўмондони: “Фронтдаги вазият мураккаб ва кескинлашиши мумкин”
Томошабинлар нафратига учраган, саратонни енгган турк актрисаси — Ваҳиде Перчиннинг мураккаб тақдири
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Фронтдаги вазият: Россия ҳарбийлари Курск областида қарши ҳужумга тайёрланмоқда
Трампнинг ўғли Зеленский яқин орада «нафақадан» маҳрум бўлишини ёзди
