Париж—2024. Навбаҳор Ҳамидова АҚШ вакилини мағлуб этиб, кейинги босқичга чиқди

Франциянинг Париж шаҳрида ёзги Олимпиада баҳсларида бокс мусобақалари ҳам давом этмоқда.

-66 кг вазн тоифасида ўзбекистонлик боксчи Навбаҳор Ҳамидова Олимпиададаги илк жангини АҚШ вакили Морелле Маккейнга қарши ўтказди.

Биринчи раунд Навбаҳорнинг 4:1 ҳисобидаги устунлиги билан якунланди. Иккинчи раундда эса АҚШ вакили 1:4 ҳисобида устунлик қилди.

Ҳал қилувчи раундда эса Навбаҳорнинг қўли баланд келди ва кейинги босқичга йўл олди.

Энди у ярим финал йўлланмаси учун 3 август куни жанг қилади. «Замин»ни Telegram’да ўқинг!