Ажойиб якун: кураш афсонаси ўзининг бешинчи олтин медалини қўлга киритди ва фаолиятини якунлади

^{Фото: Getty Images}
Михаин Лопес кетма-кет бешинчи бор Олимпиадада ғолиби бўлди. Спортчи илк бор 2004 йилда Олимпиадада қатнашган.

Аср воқеаси 6 августга тўғри келди. Париждаги Олимпиадада оғир вазн тоифасида финал учрашуви бўлиб ўтди.

Юнон-рум кураши бўйича 130 килограммгача бўлган вазн тоифасида Лопеснинг рақиби чилилик Ясмани Фернандес бўлди.
Жангнинг биринчи даври якунига кўра, Михаин 3:0 ҳисобида олдинга чиқиб олди. Учрашувнинг иккинчи ярмида Лопес яна бир нечта самарали ҳаракатларни амалга оширди. Якуний ҳисоб 6:0.

^{Фото: Getty Images}
Кубалик спортчи Пекин-2008, Лондон-2012, Рио-2016 ва Токио-2020да ҳам худди шу вазнда олтин медалга сазовор бўлганди.

Спортчи ҳозирда 41 ёшда. Лопес индивидуал кўринишда кетма-кет 5 та ёзги Олимпия ўйинларида олтин медал олган тарихдаги биринчи спортчи бўлди.

Жанг тугаганидан сўнг Лопес гиламда кураш пойабзалини ечди ва фаолиятини якунлаганини эълон қилди.

Янгиликлар