Сардор Нодиров: “Қозоғистон ва Ўзбекистонда ватанпарварлик тушунчалари турлича”

^{Фото: Olympic}
Қозоғистонлик журналист Ўзбекистондан ташриф буюрган мураббий Сардор Нодиров билан суҳбатлашди ва Олимпиадага тайёргарлик, таркиб борасида саволлар берди. Ушбу суҳбатни Бакит Оразов Facebook ижтимоий тармоғида чоп этди.

—Ўзбекистон терма жамоаси Олимпиадада катта муваффақиятларга эришди. Сизни табриклашга ижозат беринг.
—Раҳмат!

—Айрим спорт турларида натижаларингиз камтарона бўлди.
—Бу бизни хафа қилмайди. Умид қиламанки, келажакда бу спорт турларида ҳам яхши натижа қайд этамиз.

—Менда бир савол бор. Нега Ўзбекистон терма жамоасида маҳаллийлаштирилган спортчилар йўқ? Масалан, Қозоғистондан ўрнак олишингиз мумкин. Бизда Кениядан спортчи бор, Россиядан теннисчиларимиз бор. Сиз ҳам шундай қилишингиз мумкин эди.
—Нима учун?! Бизга бу керак эмас. Биз ундан кўра ўз спортчиларимизни ривожлантириш бўйича яхшироқ ишлаймиз.

—Аммо маҳаллийлаштириш орқали Олимпиадада кўпроқ олтин медал олишингиз мумкин эди.
—Ҳамма устимиздан куладиган бундай муваффақият бизга нима учун керак?

—Нега кулишади?
—Чунки бу ўзбек спортининг ютуғи эмаслигини ҳамма яхши тушунади. Чет эллик спортчини сотиб олиш учун ақлли бўлиш шарт эмас. Ўз чемпионингизни етиштириш учун эса ҳаракат қилишингиз керак. Аммо бу ғалаба бутунлай бошқача завқ беради. Дўкондан медал сотиб олиш бошқа, адолатли курашда уни ютиш бошқа нарса.

—Қозоғистон тажрибаси сизга мос эмас деб ўйлайсизми?
— Бизда ватанпарварлик тушунчаси турлича. Қозоғистон учун бутун дунё назарида бўлиш муҳим. Биз учун энг аввало ўз халқимизни ҳайратлантириш муҳимроқ.

^{Фото: Getty Images}
Ушбу суҳбат остида ижтимоий тармоқ фойдаланувчилари ўзбек мураббийи ва Ўзбекистон спортининг ривожланиш йўли эътироф этилди.

Масалан Бакит Оразов шундай дейди:
“Қўшнилар бир-бирларининг ривожланиши ёрдам беради. Ўйлайманки, қўшниларимиздан ўрганадиган кўп нарса бор. Улар оқилона ва чуқур ўйланган ёндашувларни яратди”.

Амирхон Тўраев:
“Яхши айтилибди. Бу чинакам ватанга муҳаббат, чинакам ватанпарварликдир”.

Олга Лучиновская:
“Ақлли ва доно мураббий! Масалан, Европанинг айрим терма жамоаларида кўпчилик футболчилар Африка ёки Жанубий Америкадан”.

Райхан Сатторова:
“100 фоиз қўшиламан. Ватанпарварлик тушунчаси турличалиги тўғри. Уларнинг йўли тўғри ва аниқ, баракалла”.

Маълумот учун, Ўзбекистон делегацияси Париж Олимпиадасида 3 та олтин медал ва 2 бронза медалини қўлга киритди ва Токио Олимпиадасидаги натижасини яхшилаш учун ажойиб имкониятга эга бўлиб турибди. “Замин” янгиликларини “Twitter”да кузатиб боринг