Суперлиганинг 16-туридан ўрин олган "Динамо" - ОКМК (3:2) учрашувидан сўнг меҳмонлар бош мураббийи Миржалол Қосимов матбуот анжуманида иштирок этди.
Ўйин ҳақида
- Албатта, бугунги ўйинда мухлислар ютди. Вазиятларга, курашларга бой ўйин гувоҳига айландик. Ҳисоб тенглашганидан сўнг ўйлаб тургандим, битта гол урган жамоа ютиб кетарди. Охирги 20 дақиқаликда "Динамо"да ҳам, бизда ҳам ярим ҳимоя деярли ишламади. Мақсад ҳар икки жамоада ҳам ҳужумга қаратилди. Кожонинг голида чап қанот ҳимоячимиз қўпол хатога йўл қўйди. Мезбонларни бугунги ғалаба билан табриклайман.
- Бир дақиқада ўйин картинасини чизиб бердингиз. Бугунги ўйин ҳақида ҳозир ҳамма гапираяпти.
- Ҳа, айтиб ўтдим-у, бугунги футболдан мухлислар ютди.
- ОКМК даража бўйича "Динамо"дан устун экани барибир кўринди. Охирги дақиқаларда ҳар икки жамоанинг ҳам ғалаба учун ҳаракати ортидан талатўплар юзага келди. Шунинг натижасида жамоангиз мағлуб бўлдими?
- Охирги 20 дақиқаликда ҳар икки жамоанинг ҳам ярим ҳимоя чизиғи ишламай қолди. Заирадан қўшилган футболчиларимиз ўйинимизни кучайтириб беришлари керак эди. Лекин кўнгилдагидек ҳаракат қила олишмади.
- Жамоангиз атрофида жорий мавсум чемпионлиги ҳақида гап-сўзлар кўпайиб қолди...
- Мен ишлаган ҳар бир жамоамда маблағ борми, йўқми, бор имкониятдан фойдаланиб, юқори натижалар учун ҳаракат қилганман. Ўтган ўйиндан кейин ҳам шу ҳақида айтдим. Меҳнат қилиш керак. Бугун ОЧЛ лигаларига қуръа ташланди. Мақсадни шунга қаратиш керак. Бу турнирларда ўйнаш учун ё чемпион бўлиш керак ёки кубокни ютиш лозим. Шунга қараб интилиш керак.
- Жамоага сиз учун келган эронлик футболчи "Навбаҳор"га ўтиб кетди...
- Йўқ, мен учун келмаган. Тушуниб турибман, Сияваш Ҳақназари ҳақида айтаяпсиз. У клубсиз юрганда жамоага таклиф этдик. Йўқотилган ярим йили учун ҳам жиддий ҳаракат қилди, ўз устида ишлади. Масалан, мен унинг ўрнига югуриб берганим йўқ. Биздан яхшироқ шароит таклиф қилишса, кетишига биз қарши эмасмиз. Ҳар доим айтганман, футболчилар жамоага мен учун келишмайди. Ҳар бир футболчи ўзи учун ўйнайди, жамоа манфаатига хизмат қилади. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
22 ноябрь куни Cobalt автомобилига шартнома очилиши эълон қилинди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Шавкат Мирзиёев Россия бош прокурори билан учрашув ўтказди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Зеленский Путин борасида баёнот берди: “Тинчликни истаганлар юзига тупурмоқда”
