Суперлига 16-туридан ўрин олган "Пахтакор" - "Локомотив" (3:1) учрашувидан сўнг "Локомотив" бош мураббийи Александр Крестинин матбуот анжуманида иштирок этди.
- Ўйин ҳақида
- Биринчи таймда ўйинимиз ўхшамади. Икки хил тайм ўтказдик. Иккинчи бўлимда эса вазиятни тўғриладик.
- "Локомотив" жамоаси сўнгги ғалабасини айнан "Пахтакор"га қарши биринчи давра ўйинда қўлга киритган эди. Шундан буён жамоангиз ғалаба қозонмади. "Локомотив" узоқ вақтдан буён ғалаба қозонмаётганининг сабаби нимада?
- Мен жамоа бош мураббийи этиб тайинланган вақтимдан буёғига жавобгарман. Биз таймларни яхши ўтказа олмаяпмиз. Ҳужумларимиз жуда секин, бундай ўйин билан ғалаба қозонишнинг иложи йўқ. Сабаби шу.
- Жамоа иккинчи бўлимда яхшироқ ўйнашни бошлади дедингиз. Ҳақиқатдан ҳам жамоангиз иккинчи таймни анча жонлироқ ўтказди. Дастлабки дақиқаларданоқ шундай ўйнашга нима ҳалал берди?
- Бу руҳиятга боғлиқ. Ушбу муаммонинг ечимини топиш устида ишламоқдамиз.
- Жамоанинг натижалари яхши бўлмагани туфайли бош мураббий ўзгарган эди. Ҳозир ҳам "Локомотив"нинг ишлари яхши эмас. Мавсум сўнгида жамоа айни дамда эгаллаб турган ўрнидан баландроқда бўлишига ишонасизми?
- Албатта. Иккинчи даврада учта ўйин ўтказдик ва фақатгина бугун мағлуб бўлдик. "Олимпик"га қарши ўйинда эса ғалаба қозонишимиз керак эди, аммо ўйин сўнгида ўтказиб юборилган гол туфайли ғалабани қўлдан чиқардик. Очколар тўплашимизга ишонаман. Фақат иккинчи бўлимдагидек ўйин намойиш этишимиз керак.
- Биринчи даврада ҳам руҳият билан муаммолар бор деб айтиб ўтгандингиз. Ушбу муаммо қачонганча жамоангизга тўсқинлик қилиши мумкин?
- Фақатгина меҳнат орқали ушбу муаммони енгиб ўтишимиз мумкин. Машғулотлар ва ўзаро суҳбатлар орқали руҳият билан боғлиқ камчиликни енга оламиз. Ғалаба қозонмаётганимиз бизга ёмон таъсир ўтказмоқда.
- Ўйин сўнгида ёш футболчиларга имконият бериш вақти келганди менимча. Жамоа ёзда бир нечта ёш футболчиларни ўз сафига қўшиб олди.
- Мамасидиқовни майдонга туширдикку. Биз асосий таркибдаги футболчилар чарчаб қолишганини сезганимизда ёшларга имкон берамиз. “Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
“Ҳизбуллоҳ” бир суткада Исроилга қарши 20 га яқин ҳарбий амалиёт ўтказди
Халқаро жиноят суди Исроил бош вазири Нетаньяхуни ҳибсга олишга ордер берди
Ўмон султонлиги элчиси: «Урушларни ҳарбий куч билан ҳал қилиб бўлмайди»
22 ноябрь куни Cobalt автомобилига шартнома очилиши эълон қилинди
Бефойда ва қиммат: шифокорлар тавсия этмайдиган 5 турдаги биологик фаол қўшимчалар
Шавкат Мирзиёев Россия бош прокурори билан учрашув ўтказди
Қозоғистон Украина атрофидаги вазият туфайли ҳарбий ва фуқаролик объектлари хавфсизлигини кучайтирди
Зеленский Путин борасида баёнот берди: “Тинчликни истаганлар юзига тупурмоқда”
